Birləşmiş Ştatlar Çinin Hind-Sakit okean regionunda sürətlə artan təsirinə qarşı Avstraliya və Britaniya ilə yüksək texnologiyalı hərbi əməkdaşlığı genişləndirir. Bura sualtı dronlardan elektron müharibə vasitələrinə qarşı ən müasir texnologiyalar daxildir.
“Assoşeyted Press” Agentliyinin yazdığına görə, ABŞ Müdafiə naziri Lloyd Ostin texnologiya əməkdaşlığı və məlumat mübadiləsini genişləndirməklə bağlı yeni saziş imzalamaq üçün cümə günü Silikon Vadisində yerləşən ABŞ Müdafiə Texnologiyaları Mərkəzində Avstraliyanın müdafiə naziri Riçard Marles və Böyük Britaniyanın müdafiə naziri Qrant Şapps ilə görüşüb.
Görüşdən sonra mətbuat konfransında danışan Ostin məsələn, dron sistemlərindəki təkmilləşdirmələrin sürətləndirəcəyini və birlikdə daha güclü olduqlarını sübut edəcəyini söyləyib.
Yeni texnologiya sazişi ilk dəfə 2021-ci ildə elan edilmiş Avstraliya ilə hərbi əməkdaşlığı genişləndirmək üçün növbəti addımdır. Üç ölkə Avstraliyanı səkkiz nüvə sualtı qayıqdan ibarət donanma ilə təchiz etməyə kömək edəcək AUKUS tərəfdaşlığı üçün planlarını açıqlayıb. (AUKUS Avstraliya, Böyük Britaniya və Amerika Birləşmiş Ştatlarının qısaldılmış adlarını ifadə edir).
Müqavilənin şərtlərinə görə, Avstraliya ABŞ-dan üç Virciniya sinifli sualtı qayıq alacaq və Böyük Britaniya ilə əməkdaşlıq çərçivəsində beş yeni AUKUS sinifli sualtı qayıq inşa edəcək.
“AzPolitika.info”
Şərhlər