Gürcüstan DİN xüsusi təyinatlı polis dəstələrini və polisə məxsus xüsusi vasitələri parlament binasının ətrafından geri çəkib.
APA-nın Tbilisi müxbiri xəbər verir ki, aksiya işyirakçıları yenidən Rustaveli prospektində parlamentin qarşısına qayıdıblar. Etirazçılar hazırda binanı mühasirəyə alırlar.
***
Gürcüstan parlamentinin plenar sessiyasında "Xarici təsirin şəffaflığı haqqında" qanun layihəsinin üçüncü və sonuncu oxunuşda qəbul olunmasından sonra Tbilisidə toqquşmalar başlayıb.
APA-nın Tbilisi müxbiri xəbər verir ki, parlament binasının qarşısında toplaşan etirazçılara polis müdaxilə edib.
Toqquşmalar zamanı çox sayda saxlanılanların olduğu, əraziyə su şırnaqları ilə müdaxilə edildiyi bildirilir. Xüsusi təyinatlı polis Rustaveli prospektinin təmizlənməsinə başlayıb.
Polis parlament binasının yerləşdiyi bütün küçələri tutub.
Şərhlər