Avropa İttifaqı İsveçrədə keçiriləcək Ukraynaya dair Sülh Sammitindən sonra Rusiya ilə konfrans keçirməyi planlaşdırır.
“AzPolitika” xəbər verir ki, bu barədə “Bloomberg” nəşri öz mənbələrinə istinadla məlumat yayıb.
Bildirilir ki, Aİ xarici işlər nazirləri iyunun 15-16-da İsveçrədə keçiriləcək Ukrayna Sülh Sammiti üçün “xilas edilə bilən nəticə”nin necə tapılacağını müzakirə edəcəklər: “Qeyd olunur ki, ABŞ Prezidenti Co Bayden Hollivudda sərmayə toplanmasında iştirak edəcəyi üçün sammitə qatıla bilməyəcək. Çin və Braziliya isə əks-təşəbbüslə çıxış etməyi planlaşdırır. Ukrayna Prezidenti Volodimir Zelenski liderlərə yalvarır, lakin Moskva əsas güclərin sammitdə iştirakını zəiflətməyə çalışır. Braziliya və Hindistan daha çox kiçik məmurlar göndərmək fikrindədir. Lakin Pekindən yüksək səviyyəli dövlət məmuru iştirak edə bilər".
“Bloomberg” yazır ki, Aİ üçün vacib məsələ, gələn ay keçiriləcək sammitdən payızda Səudiyyə Ərəbistanında Rusiya ilə mümkün görüşə necə keçməkdir.
Xatırladaq ki, Ukraynanın təşəbbüsü ilə təşkil olunan Qlobal Sülh Sammitinin iyunun 15-16-da keçirilməsi nəzərdə tutulub. Sülh sammitinə ev sahibliyi edəcək İsveçrə 120-dən çox ölkədən nümayəndəni qəbul etməyə ümid edir. Volodimir Zelenski bildirib ki, Ukrayna üçün Sülh Sammitində üç əsas problemi həll etmək vacibdir: nüvə enerjisi təhlükəsizliyi, ərzaq təhlükəsizliyi və əsir mübadiləsi.
“AzPolitika.info”
Şərhlər
Ukrayna Rusiya ile müharibeye gedende “gözüçıxmış qardaşa”gğrcülere gerek baxıb netice qebul ederdi ki şndi faşist rysun elinde qalmazdı.ABŞ ve Qerbi Avropa ne vaxtsa kimese destek olubmu dar günde.Son 33 ilin tarixini varaqkayın her şey Size aydın olar.