Azərbaycan Respublikasının Korrupsiyaya qarşı mübarizə üzrə Komissiyasının katibi Ramin Vəlizadə vəfat edib.
"Qafqazinfo”nun əldə etdiyi məlumata görə, 1991-ci il təvəllüdlü R.Vəlizadə Bakıda yaşadığı evdə yatdığı yerdə dünyasını dəyişib. Gənc məmurun yuxuda ikən ürəktutma keçirdiyi və bu səbəbdən dünyasını dəyişdiyi bildirilir.
Ramin Vəlizadə bir müddət əvvəl ürəyindən əməliyyat edilibmiş. Həmçinin bildirilir ki, R.Vəlizadənin yaxın qohumları arasında da qəfil ürəktutmadan vəfat edən bir neçə nəfər olub.
Qeyd edək ki, Ramin Vəlizadə daha əvvəl Baş prokuror yanında Korrupsiyaya qarşı Mübarizə Baş İdarəsinin Təşkilati və informasiya təminatı idarəsinin prokuroru vəzifəsində çalışıb.
Məlumat üçün bildirək ki, Azərbaycan Respublikasının Korrupsiyaya qarşı mübarizə üzrə Komissiyasının katibi vəzifəsini daha əvvəl İnam Kərimov və Vüsal Hüseynov da tutub.
Şərhlər
Allahdan Rəhmət diləyirəm...çox təəssüflənirəm, evdən yox, eldən gedən oğuldu...Rəhmətliklə həyatımda cəmi bir dəfə qarşılaşmışdım və o, savadı, qabiliyyəti ilə mənim qəlbimdə çox müsbət iz qoydu...