ABŞ Ukraynaya 150 milyon dollar dəyərində silah və sursat verəcək. Yeni yardım paketinə, xüsusilə, HAWK hava hücumundan müdafiə vasitələri və 155 mm-lik artilleriya sursatları daxil olacaq.
“AzPolitika” “Reuters” agentliyinə istinadla xəbər verir ki, bu barədə Ağ Evin iki nümayəndəsi bildirib. Mənbələr bildiriblər ki, Kiyev üçün yeni müdafiə yardımı paketinin rəsmi elanı bazar ertəsi veriləcək.
Vaşinqton Kiyevin hava hücumundan müdafiə dəstəyi ilə bağlı müraciətlərinə cavab verir, çünki Rusiya son həftələrdə Ukraynanın enerji obyektlərinə raket zərbələri endirir.
ABŞ 2022-ci ildə Ukraynaya “Stinger” əllə daşına bilən hava hücumundan müdafiə sistemlərinə əlavə olaraq HAWK tutucuları göndərməyə başlayıb.
MIM-23 HAWK hava hücumundan müdafiə sistemi 1950-ci illərdə təqdim edilib və raket hücumlarına qarşı durmaq üçün illər ərzində təkmilləşdirilib. Pentaqonun məlumatına görə, bu hava hücumundan müdafiə sistemi 10-dan çox ölkəyə ixrac edilib.
ABŞ 2022-ci ildən başlayaraq Ukraynaya 50 milyard dollardan çox hərbi yardım ayırıb.
“AzPolitika.info”
Şərhlər