Bir neçə il əvvəl ilə müqayisədə “Azərpoçt” MMC-nin poçt şöbələri vasitəsilə ölkədaxili pul köçürmələrində 60-70 %-lik azalma mövcuddur.
“Report” xəbər verir ki, bunu Rəqəmsal İnkişaf və Nəqliyyat Nazirliyinin yanında “Azərpoçt” MMC-nin əməliyyat departamentinin direktoru Asiman Əliyev “Asan radio”da yayımlanan “Rəqəmsal Dialoq” verilişində deyib.
“Bu onu göstərir ki, bu əməliyyat növü insanlar arasında artıq o qədər də aktual deyil. Əsasən pandemiya dövründə qapanma şəraitində insanların daha çox kartdan karta əməliyyatlarına meyllənməsi müşahidə edildi. Bu da bizim daxili pul köçürmələri üçün təsirsiz ötüşmədi” ,- deyə o qeyd edib.
A.Əliyev 2022-ci ildən başlayaraq Rusiyadan Azərbaycana pulköçürmə istiqamətində yeni vasitə təqdim edilib: "Vətəndaşlar “Granat” pulköçürmə sistemi vasitəsilə köçürülən pul vəsaitlərini poçt şöbələrindən də ala bilərlər".
Şərhlər
Pul köçürmələri qara yollarla gedir, ona görə də azalıb. Vergilər nazirliyinin bəzi əməkdaşları sahibkarlarla maddi maraq zəminində "sövdələşmə " qurub vergidən yayınmağa şərait yaradırlar. Yaxşı olar ki, vergi orqanlarında xidmət edənlər arasında ciddi əməliyyat tədbirləri keçirsinlər.