“Azərbaycan və Ermənistan liderləri arasında Kazanda keçirilən görüş xarici işlər nazirlərinə sülh müqaviləsinin mətninin hazırlanmasını sürətləndirmək tapşırığının verilməsilə başa çatıb".
"AzPolitika" xəbər verir ki, bu barədə politoloq Fərhad Məmmədov Əliyev-Paşinyan görüşünü şərh edərkən deyib.
"Müsbət dinamika ABŞ Prezidenti Baydenin məktubundan sonra ortaya çıxdı və liderlər onun məktubunu BRİKS sammiti çərçivəsində müzakirə etdilər", - o əlavə edib.
"Biz Ermənistanla razılaşacağıq, amma Fransanın aqressivliyi və ABŞ-nin mövqeyindəki qeyri-müəyyənlik qalır. Xüsusilə 2023-cü ilin sentyabr hadisələri məsələsində", - təhlilçi vurğulayıb
F.Məmmədov bildirir ki, 2023-cü ilin sentyabr hadisələri ilə bağlı ABŞ-nin dəqiq mövqeyi Azərbaycan üçün vacibdir. Onun sözlərinə görə, ABŞ Ermənistana araşdırma qrupları göndərdiyi üçün onların gəldiyi nəticələr ictimaiyyətə açıqlanmalıdır: "Əks halda, amerikalı diplomatların ikimənalı bəyanatları qeyri-müəyyənlik yaradır. Necə deyərlər, Bakıya mövqe lazımdır, mövqe..."
"AzPolitika.info"
Şərhlər
İrəvanın son dörd illik siyasəti də təsdiq edir ki, Ermənistanla nəinki sülh, bütün itgilərin, zərər-ziyanların rəsmi ödənmə öhdəliyi olmadan və ümumiyyətlə Azərbaycanın hər hansı müqaviləsi itaətkarlıq deyilmi?