UEFA Avropa Liqasının Liqa mərhələsi çərçivəsində keçiriləcək “Qarabağ” - “Lion" (Fransa) matçı üçün fransalı azarkeşlərə simvolik sayda bilet ayrılıb.
“AzPolitika” xəbər verir ki, noyabrın 28-də, saat 21:45-də Tofiq Bəhramov adına Respublika stadionunda baş tutacaq görüşdə qonaq komanda azarkeşlərinə 448 yer verilib.
Qeyd edək ki, “448” rəqəmindəki 44 - 44 günlük Vətən müharibəsi, 8 isə - 8 noyabr – Zəfər Gününü simvolizə edir.
UEFA-nın qaydalarına əsasən, arenanın azarkeş tutumunun 5 faizi qədər yer qonaq komandaya ayrılmalıdır. Qeyd edək ki, Bakıya "Lion"un konkret neçə azarkeşinin gələcəyi hələlik bəlli deyil.
“AzPolitika.ino”
Şərhlər