Mustafa Qulə Bala
Dünən fərman verən bu gün can verir.
Səməd Vurğun
Qəddafinin oğlu sağ qalmaq üçün üsyançılara 2 milyard pul təklif edibmiş.
Qəzetlərdən
Ərəbistan
ellərinin baharı
Tunis ardı
Fironların
qədim yurdu
Misirdə də
başladı.
Bu başlanğıc
siyasətlə
cəhalətlə
hiylə ilə
öz xalqına qan uddurub
sərvət yığan
Rəhbərləri
lap başından
daşladı!
Milyonları
öz nəslinə
baş əydirən
Başlar getdi…
Gözlər getdi…
Qaşlar getdi…
Yer üzündə
səcdə üçün
Daşlar qaldı…!
Səddama,
Qəddafiyə
qoyulmayan baş daşı.
Gözəlçə Qəddafinin
atasının
bostanından
sandıqlara
yığaraq
hər gün
səcdə etdiyi
ziynətləri,
Qaş-Daşı…!
Tunis daşı…
Misir daşı…
Liviya daşı…
Suriya daşı…
Cəlladların
yenə varmı
qardaşı?!
Bitəcəkmi
bir zaman
Qan içən
fironların
Cəlladlığda
yarışı?!
Tanrı həqiqətini
qanmaq
istəmir
Naşı..!
Qanunların
boğulduğu
Məmləkətdə
ədalətin
sapandına
yüklənəndə
insanlığın
qarğışı-
səbir daşı,
Xalqının
damarından
sovurub
topladığı
milyardlar
xilas etmir
əyyaşı…!
Allahu Əkbər!
Allahu Əkbər!
Yaşasın
Ulu Rəhbər!
Çərxi fələk
Oynadanda
sapandını
Zülmkarın təpəsinə
qapaz dəyir,
kül tökülür,
daş düşür.
Millətinin çörəyinə
Ayaq basan
harınlar
Dədə-baba malı kimi
Zəbt etdiyi
Kürsülərdən
diyirlənib
Cəhənnəmə
sürüşür..!
Sosial şəbəkələrdə
Gəncliyin
haray səsi
TV ekranlarında
tumansız
müğənninin
Qudurğan rəhbərlərçin
Göbəkatdı nəgməsi.
Qansız məmurlarınsa
Ürəyini yumşaltmır
Şəhid analarının
Fəryad dolu
naləsi.
Hər məmur
bir hökümət,
Özüyçün başsız
dövlət.
Sərvət hərislərinin
Hiyləgərlik
maşını
dayanarmı
nəhayət!?
Bir soruşun
Ərdoğandan
Qurtardımı
Ərəbistan
baharının
daşları.?!
Axı qurumaq
bilmir
Hələ neçə
ölkədə
Məmur
sırtıqlığının
Rüşvət
məngənəsində
Hökumət
masasının
ehtiyac
zənbilində -
səfalətin
cəngində
boğulan
rəiyyətin,
əzilən
rəiyyətin
tökülən
göz yaşları!
Bir soruşun
Ərdoğandan
Qurtardımı
Ərəbistan
baharının
daşları?
İnsanlığın
ən böyük
sərvəti- Azadlıqdır !
bizim zəmanəmizdə
Böyüklük- Ağalıqdır?!
Sən "Ağa"- Mən "riəyyət " ?!
Sən: "İqtidar"- Mən:- "Millət" ?!
zəbt edib bir ölkənin
bütün sərvətlərini,
Sən naz-nemət içində,
xalqınsa çəksin zillət ?
Ağalar, Əfəndilər,
İqtidar Mürşidləri ,
ayılın yuxulardan !
Güllə-baran etməyin
insanlığı amandır !
Zaman- başqa Zamandi !!!
Sizi xalq seçmədimi ?!
nə tez dönüb oldunuz
vəzifə düşgünləri ??!!
Dədə-baba malı tək
zəbt etdiyiz kürsülər
Millətin haqq səsidir-
Azadlıq nəğməsidir !
Çərxi fələk
fırladanda sapandını
millət yenə oyanıb
öz Himnini oxuyar,
Azadlıq Xalısını
al qanıyla toxuyar!
Bir soruşun Ərdoğandan
qurtardımı
Ərəbistan baharının
daşları??
Axı qurumaq bilmir
hələ neçə ölkədə
haqqı tapdananların
tökülən göz yaşları ! (modern.az)
Şərhlər
İndiki vəziyyəti və cəmiyyəti o qədər gözəl anlatmısan ki, sanki bir rəssam kimi portretini yaratmısan. Müasir həyatımızın reallıqlarını olduğu kimi nəzmə çəkən möhtəşəm bir həyat həqiqətləri. Təşəkkürlər Mustafa Qulə Bala .Eşq olsun.
Təşəkkurlər
ƏDHU-nun "Mənfur Əsəd və onun zəhərli övladları da ömürlərini şad-xürrəm başa vuracaqlar və adamı yandıran da budur. Ən yaxşısını Lenin etmişdi" şərhinə cavab: Putinə sığınanın sonunu siz "şad-xürrəm" başa vuracağına əminsinizmi? Mən sizin qədər əmin deyiləm. Lenindən də misal çəkdiyiniz kimi Rusiya ingilablar ölkəsidir. Bunu da unutmayaq. Müəllifə və şərh yazanlara sevgilər, hörmətlər.
Diktatorlar məhv olsa da sərvətləri məhv olmur. Övladlarına qalır. Zatən onların istədikləri də elə budur. İran şahının oğlu və arvadı hələ də milyonlar üçündə üzür və kef çəkir. Gülnarənin lindən sadəcə 1-cə milyard ala bildilər. Mənfur Əsəd və onun zəhərli övladları da ömürlərini şad-xürrəm başa vuracaqlar və adamı yandıran da budur. Ən yaxşısını Lenin etmişdi.
Təşəkkurlər..
Milyonları öz nəslinə
Baş əydirən
Başlar getdi.
Diktatorların bütün həyatı bu iki sətrin arasında yerləşib.Bəzən bir insanın fikri minlərlə insanın hərəkətindən daha faydalı olur.
Əllərinizə zehninizə sağlıq.
Sizə can sağlığı,yaradıcılığınızda uğurlar arzulayıram
Zülmün topu var, gülləsi var, qələsi varsa
Haqqın da bükülməz qolu, dönməz üzü vardır
Göz yumma Günəşdən nə qədər nuru qaralsa
Sönməz əbədi, hər GECƏNİN GÜNDÜZÜ vardır
Esq olsun
Zülmün topu var, gülləsi var, qələsi varsa
Haqqın da bükülməz qolu, dönməz üzü vardır
Göz yumma Günəşdən nə qədər nuru qaralsa
Sönməz əbədi, hər GECƏNİN GÜNDÜZÜ vardır
Eşq olsun
Azpolitika əməkdaşlarına təşəkkür.Davamı gəlsin.Aktuallıqdan bir addım öndə.Dəyərli müəllif.təşəkkürlər Sizə.
[Salam Dəyərli Mustafa Bəy! Qələminizə ruhunuz sağlıq, Dəyərli Mustafa Bəy! Birnəfəsə oxudum. Qoca Şərqə, Suriyada olanlara ayna tutur, kral öldü, Yaşasın kral! Bu zehniyyət Şərqin belini qırdı...
Şərq diktatorları hamısı biri birinin ağzına tüpürüb. Bir sözlə möhtəşəmdir poemada iradəsi iflic edilmiş bütün toplumların faciəsi necə var əks olunub.
Cəmiyyətin belə məntiqli çağırışlara ehtiyacı var, zalımlar sonluğun nə olduğunu anlaya bilsinlər