Azərbaycan ilk dəfə NATO-nun “Dəniz Təhlükəsizlik Mükəmməlliyi” (MARSEC COE) mərkəzinə üzv qəbul edilib. Razılaşmaya əsasən, Azərbaycan Hərbi Dəniz Qüvvələrinin nümayəndəsi həmin Mərkəzdə 3 il müddətində ölkəmizi təmsil edəcək.
"AzPolitika"nın “Qafqazinfo”ya istinadla verdiyi məlumata görə, üçüncü dərəcəli kapitan Kamran Tahirbəyli ölkəmizin Mərkəzdəki nümayəndəsi təyin edilib.
K.Tahirbəyli müdafiə nazirinin sabiq müavini - Hərbi Hava Qüvvələrinin əvvəlki komandanı general-leytenant Ramiz Tahirovun oğludur. O, həm də Azərbaycanın ABŞ-dəki Səfirliyində hərbi attaşe köməkçisidir.
Kamran Tahirbəyli Vətən müharibəsi iştirakçısıdır. O, Qubadlı, Cəbrayıl və Zəngilanın azad edilməsinə görə medalları ilə təltif edilib.
Qeyd edək ki, Ramiz Tahirov ötən ilin mayında Prezidentin Sərəncamı ilə vəzifəsindən azad olunaraq ehtiyata buraxılıb.
.jpg)
Şərhlər
bu ölkədə 1000 il bundan qabaqkı kimi şah oğlu şahdır nökər oğlu da nə qədər savadlı qabiliyyətli olsa da nökərdir. Kimsən haralısan hansı millətdənsən əsas rol oynayır. Türk oğlu Türkə iş yoxdur