Rəqəmsal inkişaf və nəqliyyat nazirinə yeni müavin təyin edilib.
"AzPolitika" xəbər verir ki, "Azərkosmos" ASC-nin İdarə Heyətinin sədri Saməddin Əsədov rəqəmsal inkişaf və nəqliyyat nazirinin müavini təyin olunub.
Qeyd edək ki, Saməddin Fəxrəddin oğlu Əsədov 5 iyun 1985-ci ildə Bakı şəhərində anadan olub.
2007-2011-ci illərdə Azərbaycan Respublikası Rabitə və İnformasiya Texnologiyaları Nazirliyinin maliyyə, uçot və iqtisadi təhlil şöbəsində çalışıb, 2011-2014-cü illərdə "Azərkosmos"da müxtəlif vəzifələri tutub. 2014-2021-ci illərdə "Azərkosmos"da Maliyyə departamentinin direktoru kimi fəaliyyət göstərib. Azərbaycan Respublikası Prezidentinin Sərəncamına əsasən 2021-ci ildə Azərbaycan Respublikasının Kosmik Agentliyi – Azərkosmosun İdarə Heyətinin sədri vəzifəsinə təyin olunub.
Qeyd edək ki, yeni təyinatla bağlı ilk məlumatı APA yayıb.,
Şərhlər
Rəşad Nəbiyev kimi istəsə özünə müavin təyin etdirir......? Bir nazirlikdə neçədənə müavin olar, nəyə lazımdır bu qədər müavinlər.....? Peşəkar kadrları nazirliyə təyin etmək lazımdır.....?