2025-ci ilin yanvar-fevral ayları ərzində Azərbaycanda banklar tərəfindən nağd ABŞ dollarının alqı-satqısı üzrə aparılmış əməliyyatların həcmi 732 milyon 429.9 min təşkil edib.
“APA-Economics”in Azərbaycan Mərkəzi Bankının hesabatı əsasında apardığı hesablamalara görə, bu göstəricinin həcmi əvvəlki ilin müvafiq dövrü ilə müqayisədə 23.4% azdır.
Qeyd edək ki, hesabat dövründə bankların nağd ABŞ dolları alışı 2024-cü ilin yanvar-fevral ayları ilə müqayisədə 6.4% artaraq 260 milyon 552.8 min, satışı isə 33.6% azalaraq 471 milyon 877.1 min təşkil edib.
Bu dövrdə banklar tərəfindən nağd avronun alışı ötən ilin yanvar ayı ilə müqayisədə 27.3% artaraq 21 milyon 540.2 min, satışı isə 30.7% artaraq 40 milyon 866.5 min təşkil edib.
Şərhlər