ABŞ Prezidenti Donald Tramp NATO və BMT-yə ayrılan maliyyəni kəskin şəkildə azaltmağı planlaşdırır.
“Washington Post” yazır ki, Ağ Ev ABŞ-nin xarici siyasətinin maliyyələşdirilməsini, o cümlədən beynəlxalq təşkilatlara maliyyə dəstəyini kökündən azaltmağı təklif edir.
Sənədə əsasən, aşağıdakılar planlaşdırılır:
- Beynəlxalq təşkilatların maliyyələşdirilməsinin demək olar ki, 90% azaldılması, xüsusən də BMT, NATO və 20 digər struktura töhfələrin dayandırılması;
- Birləşmiş Ştatlar tərəfindən BMT vasitəsilə maliyyələşdirilən sülhməramlı proqramların "son missiyaların uğursuzluqları" səbəbi ilə tamamilə bağlanması;
Eyni zamanda, sənəd yalnız MAQATE və ICAO kimi müəyyən təşkilatlar üçün töhfələrin saxlanmasını nəzərdə tutur.
Ekspertlər və rəsmilər Tramp administrasiyasının təklifindən narahatdırlar. ABŞ-nin NATO-dakı keçmiş səfiri Yulianne Smit bu barədə danışarkən deyib:“Bu, həqiqətən də alyansın necə işlədiyinin təməlinə təsir edir və alyansın birliyinə sarsıdıcı zərbə vura bilər”.
Sənədin təklifləri arasında USAID agentliyinin Dövlət Departamentinə inteqrasiyası və ümumi xarici siyasət büdcəsinin 48% (28,4 milyard dollara qədər) azaldılması da var. Sənəd qəbul olunarsa, humanitar yardıma ayrılan maliyyə 54%, qlobal səhiyyəyə isə 55% azalacaq.
Qeyd edək ki, büdcə hələ Konqres tərəfindən təsdiqlənməyib.
"AzPolitika.info"
Şərhlər