“Azı 30 günlük atəşkəs” – Ukrayna şərtini açıqladı

Müharibəni dayandırmaq üçün danışıqlara başlamağın mümkünlüyü barədə danışmaq üçün Rusiya əvvəlcə ən azı 30 günlük real atəşkəsə razılaşmalıdır.

“AzPolitika” xəbər verir ki, bunu Ukraynanın Xarici işlər naziri Andrey Sibiqa “telegram”-da yazıb.

“Ukrayna hər hansı formatda sülh danışıqlarına hazır olduğunu bir daha təsdiqləyir, yalnız o zaman ki, biz Rusiyanın həqiqətən də sülhə aparan çətin yola hazır olduğunu görəcəyik, nəinki “sülh populizmini” və ya mayın 9-da keçiriləcək parad naminə qısamüddətli atəşkəs təbliğatını”, - nazir yazıb.

Sibiqanın fikrincə, Rusiya ən azı 30 günlük real atəşkəsə gedərək, sülh danışıqlarına real hazır olduğunu nümayiş etdirə bilər: "Əgər Rusiya 60 və ya 90 günlük atəşkəsə hazırdırsa, biz də hazırıq".

“AzPolitika.info”