Dövlət Sosial Müdafiə Fondu (DSMF) 2025-ci ilin ilk dörd ayında əvvəlki ilin eyni dövrü ilə müqayisədə 231 milyon manat daha çox vəsait xərcləyib.
“AzPolitika” xəbər verir ki, bu dövrdə fondun ümumi xərcləri 2 milyard 501 milyon manat təşkil edib. Xərclərin artması əsasən yeni sosial paketin icrasına başlanılması və pensiya təyinatlarının çoxalması ilə bağlıdır. Belə ki, bu ilin ilk aylarında 17 500-dən çox şəxsə yaşa, əlilliyə və ailə başçısını itirməyə görə pensiya təyin olunub.
2025-ci ilin ilk aylarından etibarən pensiyalarda artım müşahidə olunsa da, ilin sonuna qədər daha bir artım qərarının verilməsi ehtimalı gündəmdədir.
Qeyd edək ki, DSMF-nin 2025-ci il üçün təsdiqlənmiş büdcəsində də artım nəzərdə tutulmuşdu. 2024-cü ildə 6 milyard 949 milyon manat olan illik xərc, bu il üçün 7 milyard 676 milyon manata yüksəlib. Bu, təxminən 10 faizlik artım deməkdir. Fondun gəlirlərində də müsbət dinamika müşahidə olunur – yanvar-aprel aylarında gəlirlər proqnozla müqayisədə 13 faiz çox olmaqla 2 milyard 715 milyon manata çatıb.
Şərhlər
ПОТомучто не хотят чтоб народ жил почеловечски
Keçən ilin noyabr ayından buniar pensiyalar artacaq deyib milləti aldada-aldata ta bu günə qədər gətirdlər. Artım olacağı haqda elə bu Azpolitika saytında ən azı 5 məqalə gedib və onların hamısını arxivimdə saxlayıram. Hələ o vaxt yazıların şərh bölməsində də yazmışam ki, bunlar yalan danışır və camaatın başının altına yastıq qoyurlar ki, heç kim bahalaşmadan danışmasın, bəs büş-üç günə pensiyalar artırılacaq. Həmin 5-3 gün 5-6 ay oldu. Hələ də bir xəbər yoxdur və inanın ki,olmayacaq da. Artım olsa-olsa bir də gələn ilin fevral ayında olacaq. Sadəcə bunlara belə tapşırılıb ki, ilin axırına qədər millətin başını birtəhər tovlayın. Dabbaqdakı gönünüzə lənət olsu.
Məlumatlar əsasən Azərbaycanda yaşa görə əmək pensiyası Avropadan 15-20 dəfə aşağıdır.Səbəb? Axı Azərbaycanda resurs kifayət qədər var ! Bilmək maraqlıdır..