Fransa Prezidenti Emmanuel Makron hesab edir ki, Rusiya uzunmüddətli sabitliyi pozan qüvvəyə və bir çox Avropa ölkələri üçün potensial təhlükəyə çevrilib.

“AzPolitika” xəbər verir ki, LCİ-yə müsahibə verən Makron qeyd edib ki, Vladimir Putin 2007-2008-ci illərdən bəri nadir hallarda verdiyi vədlərə əməl edir və hakimiyyətini gücləndirmək üçün daim sərhədləri dəyişməyə çalışır.

Makronun sözlərinə görə, Rusiya büdcəsinin təxminən 40%-ni silahlara yatırıb və 1,3 milyon nəfərdən çox ordu toplayıb. Bu onu göstərir ki, Moskva tezliklə sülhə və açıq demokratik sistemə qayıtmağa hazır deyil.

Makron müsahibəsində avropalıları sadəlövh olmamağa çağırıb. Onun sözlərinə görə, Putin özünü yırtıcı, “qapımızdakı adamyeyən” kimi aparır, hansı ki, yaşamaq üçün “qidalanmağa” davam etməlidir.

Fransa Prezidenti əlavə edib ki, o, Rusiyanın birbaşa Fransaya hücum təhdidini görmür. Bununla belə, onun fikrincə, Rusiyanın hərəkətləri bütün Avropa üçün daimi risk yaradır.

“AzPolitika.info”