Ukrayna ordusu Rusiyanın Bryansk vilayətindəki Kimya zavodunu “Storm Shadow” raketləri ilə vurub.
APA xəbər verir ki, bu barədə Ukraynanın ordusunun Baş Qərargahı öz “Telegram” kanalında məlumat yayıb.
“2025-ci il oktyabrın 21-də Ukrayna Silahlı Qüvvələrinin Hərbi Hava Qüvvələri Quru Qoşunları, Hərbi Dəniz Qüvvələri və Ukrayna Müdafiə Qüvvələrinin digər komponentləri birlikdə Bryansk Kimya Zavodunu vurub”, - məlumatda bildirilir.
"Zərbənin nəticələri dəqiqləşdirilir", - Baş Qərargah əlavə edib.
Qeyd edək ki, zavodda barıt, partlayıcı maddələr və raket yanacağı komponentləri istehsal edilir.
Şərhlər