6 noyabr gecəsi Ukrayna Xüsusi Əməliyyat Qüvvələrinin bölmələri Krımda Rusiyanın logistika obyektlərinə zərbələr endirib.

“AzPolitika” xəbər verir ki, Ukrayna Xüsusi Əməliyyat Qüvvələrinin Telegram kanalı zərbələrin unikal görüntülərini paylaşıb və zərbələrin təfərrüatlarını açıqlayıb.

Məlumata görə, Ukrayna dronları Krımın Qvardeysk kəndi yaxınlığındakı Qvardeyskaya neft anbarına zərbə endirib. Bir RVS-400 rezervuarı məhv edilib. Zərbə zamanı o, dolu olub.

Eyni zamanda, eyni ərazidə yükləmə/boşaltma dayağında olan iki sistern qatarı zərbə alıb. Zərbə zamanı vaqonlar neft məhsulları ilə yüklənib.

“Dronlar həmçinin Simferopol və ətraf ərazilərdə, eləcə də Bitumnoye kəndində bir neçə neft anbarına və yanacaq anbarına zərbələr endirib. Sistern parkı obyektləri məhv edilib. Çoxsaylı yanğınlar qeydə alınıb", - deyə məlumatda bildirili

Hadisə nəticəsində bölgədə güclü partlayış səsləri və tüstü buludları müşahidə olunub. Rusiya tərəfi hələlik hücumla bağlı rəsmi açıqlama verməyib.

"AzPolitika.info"