"Faciə çox sürətlə baş verdi. Qonşular hadisəni bilib aşağı düşürdülər. Həmin anda nə baş verdiyini bilmədik, düşündük ki, alov ətrafı bürüyəcək”.
Bunu "Trend”ə dünən axşam saatlarında Yasamal rayonu, Mirəli Seyidov küçəsində yanğın baş verən çoxmərtəbəli yaşayış binasının sakini, jurnalist Heydər Mirzə deyib.
O qeyd edib ki, evi binanın 12-ci mərtəbəsində yerləşir: "Hadisə baş verəndə 5-ci mərtəbəyədək özümüz düşdük, daha sonra tüstüdən heç yeri görə bilmədik. Sonra geriyə - yuxarı qayıtdıq”.
Sakinin sözlərinə görə, tüstüdən qorunmaq üçün evin qapısını yaş dəsmallarla izolyasiya ediblər: "Yanğının mənbəyi restoran olub. 2010-cu ildən binada yaşayıram. "Loft” restoranı 2 il öncə burada açılıb. Restoran sahibi binaya məxsus qarajın yarısını mənimsəyərək restoran və stomatoloji mərkəz təşkil edib. Yanğın təhlükəsindən əlavə, hər gün 5-ci mərtəbəyə qədər səs-küy, musiqi səsi gəlir”.
Heydər Mirzə vurğulayıb ki, bir ay öncə isə restoran hibrid maşınların elektrik doldurma dayanacağını quraşdıraraq generatoru zirzəmidə yerləşdirib: "Üç gün əvvəl binanın baş ustası yanıq qoxusu ilə bağlı restorana müraciət etdikdə adamı döyüblər”.
Qeyd edək ki, ötən gün baş verən yanğında 3 nəfər həyatını itirib. 27 nəfər tüstüdən zəhərlənmə diaqnozu ilə hospitalizasiya olunub. Hazırda 7 nəfərin müalicəsi davam etdirilir.
Şərhlər
"Üç gün əvvəl binanın baş ustası yanıq qoxusu ilə bağlı restorana müraciət etdikdə adamı döyüblər”. - Kim, niyə, necə yəni? Bu nə deməkdir? Məsuliyyətə cəlb edilən var buna görə? Yoxsa cəngəllik qaydaları? Kim güclüdü,döydü? İndi onu tutub basacaqlar ki, baş usta sən idin? Nə isə... 4 nəfər cavan uşağı isə heç kim qaytarmayacaq...
Çox maraqlıdır hadisədən neçə gün öncə restorana deyiblər, bunlarda hozuluq ediblər, hələ üstəlik adamlda döyüblər. Araşdırma polisdə olubsa, polis bu işi niyə sona kimi düzgün aparmayıb vaxtında, indidə belə hadisə olmazdl