Suriyanın keçmiş lideri Bəşər Əsəd və onun keçmiş müşaviri Luna əl-Şiblin Rusiya Prezidenti Vladimir Putin haqda istehza ilə danışdıqları görüntülər və səs yazıları ortaya çıxıb.
Bir səs yazısında 2024-cü ilin iyul ayında avtomobil qəzasında həlak olan Luna əl-Şiblin Putinin görünüşü və sağlamlığı ilə bağlı istehza ilə ifadələr işlətdiyi eşidilir.
Əş-Şibl soruşur: "Putinin üzündəki şişkinliyi gördünüzmü?"
Əsəd cavab verir: "Hamısı plastik cərrahiyyədir".
Əş-Şibl davam edir:"Bəli, Putinlə bağlı hər şey plastik cərrahiyyədir. Onun 65 yaşı var... Bu görüntü onu çox pis göstərirdi".
Sızdırılan başqa bir səs yazısında Luna əl-Şiblin Suriya ordusu əsgərlərini hədəf aldığı göstərilir.
Əş-Şibl deyir: "Onlar mənim üzümə baxırlar... Mən onları sevirəm, amma onlardan iyrənirəm".
Mənbələr "Əl-Ərəbiyyə"yə təsdiqləyiblər ki, səs yazıları çəkilərkən Əsədin müşaviri əl-Şiblin köməkçisi Əmcəd İssa da həmin avtomobildə olub.
"AzPolitika.info"
Şərhlər