"Azərbaycan Hava Yolları" QSC-nin (AZAL) keçmiş prezidenti Cahangir Əsgərov "Premium Bank" ASC-dəki payını 84,47 %-dən 86,25 %-ə çatdırıb.
"AzPolitika"nın məlumatına görə, "Report" bu barədə Banka istinadən xəbər verib.
Məlumata görə, bu, "Premium Bank"ın nizamnamə kapitalının 20 milyon manat və yaxud 12,9 % artırılaraq 154,6 milyon manatdan 174,6 milyon manata çatdırılmasından sonra baş verib. Kapital artımı üçün dövriyyəyə buraxılmış yeni səhmlərin hamısını C.Əsgərov əldə edib.
Son nəticədə digər səhmdarlar - "VIP Aviation Services" MMC-nin payı 15,22 %-dən 13,47 %-ə, Elvira Əhmədovanın payı isə 0,31 %-dən 0,28 %-ə düşüb.
Xatırladaq ki, "Premium Bank" 1993-cü ildə "AZAL Bank" adı ilə yaradılıb, 2008-ci ildə adını "Silk Vey Bank"a dəyişib, 2018-ci ildə isə yenidən rebrendinq edib.
Şərhlər
Mən, Cahangir bəyin şəxsiyyətinə pərəstiş edirəm, buna səbəb sosial şəbəkələrdə onun tvist oynayan vaxtı, onu telefonuna çəkənə orta barmağını göstərməsi səbəb olmuşdu...
uzun illər jurnalistlər bilənə qədər AEROPORTDA Azərbaycan dilində danışmağa imkan verməyib rus dilini bilməyəni işə götürməyib.
Yazırsınız ki, "Əsgərov "Premium Bank" ASC-dəki payını 84,47 %-dən 86,25 %-ə çatdırıb"...Lap yaxşı, tezliklə Cahangir bəyə bu faizi bir qədər də artırmağı və 100%-ə çatdırmağını arzulayıram...