Azərbaycan idmançılarının 2026-cı ilin noyabr ayı üçün reytinq cədvəli açıqlanıb.
"AzPolitika" xəbər verir ki, bu barədə Gənclər və İdman Nazirliyi məlumat yayıb.
Sərbəst güləşçi Arseniy Djioyev 470 xalla ilk sırada yer alıb. O, Astanada keçirilən dünya çempionatında gümüş medal qazanıb.
Bakıdakı dünya çempionatında qızıl medal əldə edən cüdoçu Əhməd Yusifov 440 xalla ikinci, Astanada bürünc mükafata sahib çıxan sərbəst güləşçi Giorgi Meşvildişvili isə 410 xalla üçüncü pillədə qərarlaşıb.
İlk onluqda Zelim Tçkayev (400 xal), Nihat Məmmədli (395), Uşanqi Kokauri (360), Sənan Süleymanov (350), Əli Tsokayev (350), Səidcəmşid Cəfərov (350) və Həsrət Cəfərov (350) da yer alıblar.
Şərhlər