Azərbaycanda bütün yaş həddindən olan insanların bəlasına çevrilən “Topaz” məsələsi Milli Məclisdə yenə müzakirə mövzusu oldu. Narahatlıq doğuran odur ki, hətta son zamanlar azyaşlıların və xanımların da bu cür mərc oyununa meyllənməsi diqqətdən qaçmır. Lakin belə bir bəla göz görə-görə kimlərsə tərəfindən idmana olan həvəs kimi təqdim edilir.
Deputatları narahat edən də elə budur. Onlar bəzən bu mövzu ilə bağlı çıxışlar edir, mərc oyunlarının ləğvi təklifini irəli sürür. Amma nəticə olmur. Səbəbini qısaca olaraq belə izah edə bilərik ki, “Topaz”ın rəsmiləşdirilməsi deputatlar arasında keçirilən səsvermədə qəbul edilib. Yəni “Lotereya haqqında” qanun müzakirə olunarkən deputatlar buna səs veriblər və “Topaz”ın rəsmi mərc oyunları kontoru kimi fəaliyyət göstərməsinə icazə verilib.
Sonuncu dəfə dünən Milli Məclisin iclasında “Topaz”ın cəmiyyətdə böyük bir bəlaya çevrilməsi, bir çox ailələrin, gənclərin bu bataqlıqdan qurtula bilməməsi gündəmə gətirildi.
Milli Məclisin spikeri Oqtay Əsədov isə Qüdrət Həsənquliyevə cavabında onunla razı olduğunu bildirdi.
Xatırladaq ki, “Topaz”la bağlı narazılıq Milli Məclisdə bir neçə dəfə müzakirə edilib.
Ancaq artıq O.Əsədov da “Topaz”ın Azərbycan vətəndaşlarnın başına hansı oyunu açdığının, neçə ailəni başsız qoyduğunun fərqindədir. Bəs nə gözlənilir?
Şərhlər