Rusiyanın Murmansk şəhərində başlanmış dava atışmaya çevrilib. Atışmada iki nəfər həlak olub, bir nəfər ağır yaralı vəziyyətdə xəstəxanaya aparılıb.
Milli.Az B-port-a istinadən bildirir ki, həlak olanlar və yaralanan şəxs Azərbaycan vətəndaşlarıdır. Onların əslən Lənkəran rayonundan olduqları da vurğulanır.
Faktla bağlı olaraq RF CM-nin 105-ci maddəsinin 2-ci hissəsi ("İki və daha artıq şəxsin qətlə yetirilməsi") ilə cinayət işi qaldırılıb. Bunu Murmansk vilayət Prokurorluğunun yetkilisi Tatyana Kovalyova bildirib.
Atışmada yaralanmış H.Kərimov "Karina" ticarət mərkəzinin sahibidir. 3 güllə yarası alaraq reanimasiya bölməsinə yerləşdirilmiş H.Kərimov əməliyyata hazırlanır.
Şərhlər