PKK terrorçuları Türkiyənin Hakkari vilayətində kənd qoruyucularını daşıyan avtomobili avtomat silahlardan atəşə tutublar.
"Report" Türkiyə KİV-inə istinadən xəbər verir ki, hadisə Şəmdinli rayonundan 13 km məsafədə yerləşən Üzümqıran kəndində baş verib.
Nəticədə 2 nəfər həlak olub, 1 nəfər yaralanıb. Yaralı qoruyucu Şəmdinli Dövlət Xəstəxanasına qaldırılıb.
Türkiyə təhlükəsizlik qüvvələri PKK terrorçularının zərərsizləşdirilməsi üçün bölgədə əməliyyata başlayıblar.
Şərhlər