Müğənni Günay İbrahimli və anasının Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə (BMCMİ) çağırılmasının təfərrüatı məlum olub. Criminal.az saytı bu gün müğənninin xanım sponsoru Nuriyyə Əhmədovanın G.İbrahimli barəsində ''Bandotdel''ə şikayət etməsi barədə məlumat dərc edib. İş adamı ərizəsində göstərib ki, G.İbrahimlinin klip çəkilməsi, yeni mahnıları, telekanallarda reklamı üçün 300 min manata qədər pul xərcləyib. Lakin müğənni həmin məbləği geri qaytarmayıb. Şikayət əsasında G. İbrahimli və anası idarəyə çağırılaraq izahatı alınıb. Günay izahatında N.Əhmədovaya 17 min, anası isə 20 min manat borclu olmaları ilə bağlı ziddiyətli ifadələr veriblər.
Məsələ ilə bağlı azxeber.com-a açıqlama verən Günay İbrahimlinin mətbuat katibi yayılan xəbərlərin həqiqəti əks etdirimədiyini deyib: "Boş söhbətdir, yalandır. Bu xəbərlərin heç bir əsası yoxdur. Günay İbrahimli hazırda Türkiyədədir, özü də bu haqda "instagram"da "story" paylaşıb. Yazılan xəbərlər boş və əsassızdır. Günay özü bu haqda açıqlama verməyəcək”.
Nuriyyə Əhmədova
Şikayətçi iş adamı Nuriyyə Əhmədova Criminal.az saytına açıqlamasında bildirdi ki, G.İbrahimli ilə bağlı ''Bandotdel''ə şikayət etməsi dəqiqdir. Onun sözlərinə görə, Günayla bağlı Baş Prokurorluğa da şikayət edib və sona kimi mübarizə aparacaq: ''Günayın mənə borcu var və verməlidir. Günay mənə 225 min manat borcludur. Onunla aramızda müqavilə olub. Mən ona pul qoyurdum, pulu geri qaytarmaq zamanında Günay aradan çıxdı, zənglərimə cavab vermədi. Artıq 3 ildir məndən qaçır. Bu işin yüzlərlə şahidi var. Rəhman, Zümrüd Mirzəliyevadan başlayıb bu söhbət. Prodüserlər, anası gəlib ifadə verib. Günayın atası da qızının problemini bilir. Günay, atası, anası və mən notariusda birlikdə müqavilə bağlamışıq. Sadəcə bu pullar rəsmi ödənilməyib. Bir mahnını almaq, ona klip çəkdirmək üçün hissə-hissə pullar ödəmişəm. Bəstəkar İsmayıl Əsədov, Samir, Elşad Xose yaxşı tanıyır məni. Rejissor Ülviyyə Könüllə Günaya klip çəkdirmişəm. Son 3 il yarıma qədər Günaya nə pul xərclənibsə mənim cibimdən gedib''.
Təranə Səmədova, Nuriyyə Əhmədova və Günay İbrahimli
N.Əhmədova deyir ki, Günaya xərclədiyim pulları ödəmək vaxtı olduğunu deyəndən sonra qaçmağa başladı: ''O vaxtkı produsseri Toma xanımla işləyən vaxtı oturub hesabladıq ki, pulları ödəmək vaxtıdır. Bundan sonra Günay həmin Toma xanımı da ləğv etdi. Hansı prodüser başlayır ki ödəniş etmək lazımdır, Günay onu ləğv edir. Özüm uşaq deyiləm, hüquqşünasam və sonacan gedəcəm. Günay gəlib məni tapıb. Mənim tekstil biznesim var, toy təşkilatçısı olmuşam, amma xeyriyyəçilik etməmişəm. Proyektimiz olub ki, özümüzə aid müğənnimiz olsun, yəni biznes məqsədi olub. Qazanmaq istəmişəm, amma alınmayıb, Günay aradan çıxıb''.
Rəşad və Günay İbrahimli
''Bandotdeldə Günayla üzləşmişəm. Günay təkzib etmir, sadəcə rəqəmlə razılaşmır. Deyir məbləğ o qədər deyil. Necə o qədər deyil? Bir mahnının kliplə birlikdə ərsəyə gəlməsi 20 min manatdır. 5 mahnı elədi 100 min. Məsələn Qala qrupundan Ceyhun Əliyev, hamı bilir ki, mahnının birini 5000 manata verir. Həmin mahnıya klipi də 5 minə çəkdirmişəm. Bu işlərin arxasında özüm getmişəm, iki prodüser olub bu işdə, Günay hara kimi qaçacaq? Günay kimə və nəyə arxalanır? Rəşada arxayındı? Çox nahaq yerə. Rəşada da sözümü demişəm. Rəşad dedi ki, mənlik deyil, sadəcə Günayın dostuyam. Bu gün bilmirəm Günayın nəyidir, amma mənə dediyi söz belə olubdu. Bu gün haqlıyam, haqqımı istəyirəm''.
***
Azərbaycanın populyar müğənnisi Günay İbrahimli həbs oluna bilər. Bu barədə criminal.az saytına etibarlı mənbədən verilən məlumata görə, artıq müğənni və anası bir neçə dəfə Daxili İşlər Nazirliyinin Baş mütəşəkkil Cinayətkarlıqla Mübarizə İdarəsinə (BMCMİ) çağırılıb.
Xanım sponsoru Günay İbrahimlini külli miqdarda pulunu mənimsəməkdə ittiham edir. İş adamı Nuriyyə Əhmədova ''Bandotdel''ə yazdığı şikayət ərizəsində göstərib ki, G.İbrahimlinin klip çəkilməsi, yeni mahnıları, telekanallarda reklamı üçün 300 min manata qədər pul xərcləyib. Lakin müğənni həmin məbləği geri qaytarmayıb.
Şikayət əsasında G.İbrahimli və anası idarəyə çağırılaraq izahatları alınıb. Günay izahatında N.Əhmədovaya 17 min, anası isə 20 min manat borclu olmaları ilə bağlı ziddiyətli ifadələr veriblər. Hazırda BMCMİ-də araşdırma aparılır, şahidlər dindirilir.
Onu da bildirək ki, N.Əhmədova məhşur iş adamıdır. Azərbaycandakı tekstil biznesininin böyük hissəsində payı var.
Şərhlər
vaxt gelecek bütün qanusuzluqlar, haqsizliqlar ,cinayetler MTN de olduqu kimi uze cixacaq, bu ne demekdir, eyer bunlarin arasinda muqavile varsa ve iw ve ya biznes meselesidirse bu ancaq ve ancaq mehkeme predmeti ola biler,bawqa ne mtn, dtx, ne polis ne prokuror nede razborka iwi deyil ...
məşədi ibad demişkən"bir dəli şeytan deyir .......
Məqalənin mətninndən görünür ki, iş adamı olan Nuriyyə adlı qadın Criminal.az saytına açıqlamasında bildirdi ki, ”Günayın mənə borcu var və verməlidir. Günay mənə 225 min manat borcludur. Onunla aramızda müqavilə olub". Bununla da bu məsələ tam şəkildə mülki xarakterlidir. Ona görə də iş adamı olan Nuriyyə qadın polisə və ya prokurorluğa deyil, bir başa iddiaçı kimi məhkəməyə müraciət edib iddia qaldırmalıdır.
Sponsorluğu qocalar evinə, körpələr evinə və yetim-yesirə edərlər! Bu cür sponsorluğun isə axırı belə olur.
AZərbaycanda tekstil sənayesi var? Bütün şmotkalar Çindən,Türkiyədən gətirilir.Bir də ki, onun müğənni ilə nə əlaqəsi? Tamahkarı sadəcə aldadıblar.Oğrudan-oğruya halaldır.Günay pis müğənni deyil.Bir də ki, adam bir məssəbə qulluq edər. Əhmədova özündən incisin.
Eger bandotdele müraciet olubsa demeli pul seleme verilib.
Adam adamın borcunu qaytarmayanda məhkəməyə, işdə dələduzluq olduqda rayon polis idarəsinə müraciət etməlidir. Bandotelə niyə müraciət edilir və orada nəyin araşdırması aparılır? Bəyəm bu ana-bala mütəşəkkil cinayət qrupudur? Çox müəmmalıdır.