Koronavirus infeksiyasına yoluxmuş şəxslərə ev şəraitində ambulator-poliklinik, təcili və təxirəsalınmaz tibbi yardımı Səhiyyə Nazirliyi, stasionar müalicəni TƏBİB həyata keçirəcək.
Ölkədə sanitariya-epidemioloji vəziyyətə nəzarət tədbirlərinin təkmilləşdirilməsi və koronavirus pandemiyası ilə mübarizənin gücləndirilməsi məqsədilə bir sıra tədbirlər icra olunur. Həyata keçirilən növbəti əhəmiyyətli tədbirlərdən biri də yeni növ koronavirus (COVID-19) infeksiyasına yoluxmuş şəxslərə həm ambulator-poliklinik, təcili və təxirəsalınmaz tibbi yardımın, həm də stasionar müalicənin keyfiyyətli göstərilməsi, bu sahələrə ayrı-ayrılıqda diqqətin yönəldilməsi və proseslərin icrasının gücləndirilməsidir. Belə ki, xüsusi karantin rejimi müddətində Bakı şəhəri üzrə yeni növ koronavirus infeksiyası ocaqlarında gigiyena və epidemiologiya, karantin-təşkilati, o cümlədən profilaktik tədbirlərinin görülməsi, yeni növ koronavirus infeksiyasına yoluxmuş şəxslərin yerində aşkarlanaraq onlara ev şəraitində ambulator-poliklinik və təcili və təxirəsalınmaz tibbi yardımın göstərilməsi Səhiyyə Nazirliyi tərəfindən həyata keçiriləcək.
Gigiyena-epidemioloji, habelə yuxarıda göstərilmiş sahələrdə çalışan tibb işçilərinin yeni növ koronavirus ocaqlarının aşkarlanmasına və bu ocaqlarda tibbi yardımın təşkilinə cəlb olunması nəzərdə tutulur. Yeni növ koronavirus infeksiyasına yoluxmuş şəxslərin stasionar müalicəsinin təşkilini isə “Tibbi Ərazi Bölmələrini İdarəetmə Birliyi” (TƏBİB) publik hüquqi şəxs həyata keçirəcək.
Qeyd edək ki, koronavirus pandemiyası ilə mübarizə çərçivəsində görülən tədbirlər ölkədə sanitariya-epidemioloji vəziyyətə nəzarət tədbirlərinin gücləndirilməsi məqsədini daşıyır.
Şərhlər
Indi lap berbad olacaq gunumuz. Koronovirus xesteleri mualice teleb edir, TEBIB, iseaparib, o xesteleri yerleshdirir Atletler kendine, gozleyir, kim agirlashacaq, onu kochurtsun. Bele olmali deyil. COVID musbet chixmish insanlarin derhal mualicesi bashlanmalidir. Derhal. Birinci poliklinika hekimleri terefinden evde mualice olunmalidirlar, ehtiyac yarandigi halda stasionara yerleshdirilmelidirler. TEBIBIN apardigi mualice taktikasi berbaddir. Butun respublikadan infeksionistleri yigib, protokol tertib edib, , xestelere derhal mualice bashlamaq lazimdir, oturub, gozlemek yox. Ve testi musbet chixmish adamlara MUTLEQ shekilde IFA analizi olunmalidir, yalniz onda demek olar ki, xestede covid var. Kart-test ile diaqnoz qoymaq duzgun deyil. 3 ay kechmesine baxmayaraq, helede bir irelileyish yoxdur, teessuf . Gunu gunden veziyyet chetinleshir