Noyabrın 3-də Ermənistan silahlı qüvvələri cəbhənin Ağdərə, Ağdam və Xocavənd istiqamətində hücuma keçməyə cəhd göstərib. Bu barədə Müdafiə Nazirliyinin yaydığı məlumatda qeyd olunub.
"Bölmələrimiz tərəfindən görülən qəti tədbirlər nəticəsində düşmən hücumunun qarşısı alınıb və o, ağır itkilərə məruz qalaraq geri çəkilməyə məcbur edilib.
Hazırda qoşunlarımız əməliyyat şəraitinə nəzarət edir", - MN-dən bildirilib.
Bu gün həmçinin bölmələrimizin gördüyü tədbirlər nəticəsində Ermənistan silahlı qüvvələrinin Xankəndi yaxınlığında yerləşən daha iki sursat anbarları məhv edilib.
Bu barədə Müdafiə Nazirliyindən məlumat verilib.
Bundan əlavə işğal olunmuş ərazimizə gətirilən Ermənistan silahlı qüvvələrinin 543-cü alayının yerləşdiyi müdafiə sahəsinə Azərbaycan Ordusu tərəfindən atəş zərbələri endirilib.
Nəticədə Qubadlı istiqamətində fəaliyyət göstərməyə hazırlaşan snayperlərdən ibarət qrup məhv edilib.
Noyabrın 2-də Azərbaycan Respublikasının Zəngilan rayonu istiqamətində Ermənistan ilə dövlət sərhədində də düşmənin növbəti təxribatının qarşısı alınıb.
Bu barədə Azərbaycan Müdafiə Nazirliyinin Mətbuat Xidmətindən məlumat verilib.
Ermənistan ərazisindən bölmələrimizə hücum edərək dövlət sərhədindəki əlverişli yüksəklikləri ələ keçirməyə cəhd edən düşmənin kəşfiyyat-diversiya qrupu zərərsizləşdirilib.
Düşmən döyüş itkilərini və silah-sursatlarını ərazidə ataraq geri qaçmağa məcbur edilib.
Şərhlər
Biz müharibəni dayandırmaq istəyirik, işğalçı yeni hərbi hücumlar edir? Məncə, bizimm bəyanat gecikir ki, İşğalçı digər şəhər və rayonlarımıza da hərbi zərbələr vurur? Əgər, bir həftəyə işğal rayonlarını da tərk etmirlərsə. Azərbaycan (barıt çəlləyinə çevrilmiş) öz Dağlıq Qarabağını tam məhv etmək məcburiyyətində qalacaq?