Ucarda bir neçə nəfərin ölümü ilə nəticələnən ağır yol qəzası baş verib.
"Report"un Yuxarı Şirvan bürosunun xəbərinə görə, hadisə saat 21 radələrində Bakı-Qazax magistral yolunun rayonun Ənvər Məmmədxanlı kəndindən keçən hissəsində qeydə alınıb. "Mercedes" markalı minik maşını idarəetmədən çıxaraq aşıb. Nəticədə 3 nəfər ölüb 2 nəfər xəsarət alıb.
Hələlik ölən və xəsarət alanları məlum deyil. Faktla bağlı Baş Dövlət Yol Polisinin İstintaq və Təhqiqat Şöbəsində araşdırma aparılır.
Şərhlər