ABŞ-ın Moskvadakı səfirliyinin mətbuat katibi Rebekka Ross Rusiyada “persona non grata” elan olunub.
APA nın Moskva müxbirinin verdiyi məlumata görə, bu barədə xanım Ross özü TASS-a bildirib.
O, Rusiyanın ölkədən çıxarmaq haqqında qərar qəbul etdiyi 10 ABŞ diplomatının siyahısında yer aldığını təsdiqləyib.
Qeyd edək ki, ABŞ prezidenti Co Bayden aprelin 15-də Rusiyaya qarşı növbəti sanksiyalar paketini imzalayıb. Sanksiyalara əsasən, Rusiyanın Vaşinqtondakı səfirliyinin 10 diplomatının ABŞ-dan çıxarılmasına qərar verilib.
Rusiya ABŞ-ın bu addıma cavab olaraq analoji addım atıb. Amerikalı diplomatlar mayın 21-dək Rusiya ərazisini tərk etməlidirlər.
Şərhlər