XƏZƏRDƏKİ YANĞININ SƏBƏBİ BİLİNDİ - SOCAR yeni açıqlama yayıb
İyulun 4-də axşam saatlarında dəniz istiqamətində görünmüş alov təzahürü ilə əlaqədar, daha əvvəl bildirildiyimiz kimi, Azərbaycan Dövlət Neft Şirkətinin (SOCAR) heç bir sənaye obyektinə zərər dəyməyib.
"Report" xəbər verir ki, bu barədə SOCAR-ın açıqlamasında bildirilir.
Məlumatda həmçinin deyilir ki, şirkətin bütün dəniz özülləri və sənaye obyektləri öz fəaliyyətini normal rejimdə davam etdirir.
Bununla belə, dənizdə görünmüş alovun səbəbini dəqiqləşdirmək üçün hadisə yerinə SOCAR-ın işçi heyəti gəmi ilə göndərilib. Ələt qəsəbəsi ilə Neftçala şəhəri arasında, sahildən təxminən 30 km məsafədə dənizdə yerləşən Daşlı adada təbii şəkildə yanan palçıq vulkanı müşahidə olunub. Müşahidə zamanı alov sönməyə doğru gedir, yaxınlığında neft sənayesinə aid hər hansı infrastruktur mövcud olmayıb.
Neft-qaz yataqları ilə bağlılığına görə palçıq vulkanlarının püskürməsi nəticəsində keçmişdə də metan və digər alovlanan qazların çıxması müşahidə olunub.
Şərhlər
Rəsmən rəzalətdir...Ölkənin daxilində partlayış baş verib. Dövlətin milyardların xərclədiyi və belə məsələlərə məsul olan nazirlik, dövlət şirkəti, digər qurumlar, yetirə bilməyən Yetirmişli kontoru və s. bu partlayışın nədən və niyə parladıgına dair bir normal fikir deməkdə açıq acizdirlər.Yumurtası tərs gəlmiş toyuq kimi haqqında hıqqına qalıblar. Kül sizin topanızın təpəsinə.Şərəf vəyaqəti olan bu vəziyyətdən sonra istefa verər.Amma sizlər bunu etməzsiniz.Çünki hər şeyiniz olmuş olsa da "O" yoxdur və heç zaman olmayacaq.