Bakı Ağır Cinayətlər Məhkəməsində Ermənistan vətəndaşlarından ibarət terrorçu silahlı birləşmənin daha 13 üzvünün - Karapetyan Rafik Robertoviç, Qolayan Qurgen Hovannesoviç, Tadevosyan Hrayr Seryojeviç, Maloyan Vaqarşak Merojanoviç, Yerğiazaryan Sasun Seyranoviç, Vardanyan Arsen Araikoviç, Bahrekyan Vahagen Edikoçiv, Soğomanyan Setrak Samveloviç, Dilanyan Arman Vazgenoviç, Martoyan Manuk Xovanesoviç, Anbardanyan Vels Karapetoviç, Mikaelyan Andranik Vazgenoviç, Qriqoryan Feliks Arşakoviç barəsindəki cinayət işi üzrə növbəti məhkəmə prosesi davam etdirilir.
"Report" xəbər verir ki, hakim Azad Məcidovun sədrliyi ilə keçirilən təqsirləndirilən şəxslərin vəkilləri çıxış edib.
Vəkillər müdafiə etdikləri şəxslərin cinayətin birbaşa subyekti olmadığını, onların Ermənistanın hərbi-siyasi rəhbərliyi tərəfindən aldadılaraq, özlərinin xəbəri olmadan Xocavənd rayonunum Hadrut qəsəbəsinə gətirildiklərini bildiriblər. Vəkillər təqsirləndirilən şəxslər barəsində bəraət hökmü çıxarılmasını və onların ölkələrinə ekstradisiya olunmasını istəyiblər.
Daha sonra təqsirləndirilən şəxslərə son söz verilib.
Təqsirləndirilən şəxslər əməllərindən peşman olduğunu və barələrində bəraət hökmü çıxarılmasını xahiş ediblər.
Daha sonra məhkəmə hökm qərarının qəbul edilməsi üçün müşavirəyə yollanıb.
Şərhlər
ermənilər ermənistana qayıtmaq istəyirlər.Ancaq biz onların rus hərbiçiləri ilə birlikdə indiyə kimi qətl etdikləri on minlərlə şəhidlərimizi heç vaxt həyata qaytara bilməyəcəyik.Xocalıdan oğurlayıb apardıqları.raça-parça edib orqanlarını satdıqları günahsız insanlarımızı bir daha görə bilməyəcəyik.Bizim hüquq-mühafizə orqanları istintaqı necə apasrıblar ki,bu qatillərə mağaza oğrularının cəzası kəsilib?Belə yerdə "Ölülər" pyesinin İskəndəri kimi Putinə üzünü tutub demək istəyirsən:-Ver əlini,lotu!Azərbaycanın hər işinə barmağını dürtürsən.