I Qarabağ Müharibəsi zamanı 1993-cü il dekabrın 30-dan 31-nə keçən gecə Ağcabədi istiqamətində keçirilməsi planlaşdırılan, lakin 1 gün gecikmə ilə baş tutan və uğursuzluqla nəticələnən “Çeildağ” əməliyyatının detalları üzə çıxıb.
Hərbi Prokurorluğunun sabiq Xüsusilə Mühüm İşlər üzrə böyük müstəntiqi Kamal Əliyev “Kriminalqafqaz”a cinayət işinin istintaqı barədə arayış göndərib.
K.Əliyev sənəddə qeyd edib ki, həmin vaxt Silahlı Qüvvələrin sabiq Baş Qərargah rəisi Nəcməddin Sadıkovun əmri ilə əməliyyat bir gün təxirə salınıb. Nəticədə 82 azərbaycanlı hərbçi tələyə salınaraq öldürülüb və ya itkin düşüb: “Döyüş əməliyyatının bir gün yubandırılmaqla keçirilməsinə görə hərbçilərimiz ermənilər tərəfindən Əfqanıstanda Sovet qoşunlarına qarşı dəfələrlə tətbiq olunmuş “Oqnevoy meşok” deyilən tələyə salındı və nəticədə 82 hərbi qulluqçu öldü. Əməliyyatın nəticələri ilə bağlı Nəcməddin Sadıkov, Müdafiə nazirinin müavini Elbrus Orucov, nazirliyin Əməliyyat idarə rəisi Vasyak Aleksandr Petroviç və digərləri raportlar yazıb müvafiq izahatlar tərtib etdilər. Həmin raportda göstərilmişdi ki, “Çeildağ” əməliyyatının acınacaqlı sonla nəticələnməsinin səbəbi o zamankı N saylı hərbi hissənin komandiri polkovnik-leytenant Talıb Məmmədovun şəxsi heyət və texnikanın əməliyyatdakı iştirakını qəsdən təmin etməməsi olub”.
Kamal Əliyev həmin raporta uyğun təqdim olunmuş materiallar əsasında T.Məmmədov barəsində tutulma qərarı çıxarıb. Ona qarşı dövlətə xəyanət ittihamı irəli sürülüb və Respublikanın Hərbi prokuroru Nizami Təhməzovun sanksiyasına əsasən həbs edilib.
Kamal Əliyev bildirir ki, istintaq zamanı əslində Nəcməddin Sadıkovun yazdığı raportun yalan olduğu üzə çıxıb. Müstəntiq 1994-cü ildə Nəcməddin Sadıkov, Elbrus Orucov, Vasyak Aleksandr Petroviç və digərləri barəsində dövlətə xəyanət və vəzifə səlahiyyətlərini aşma (hazırki redaksiyada Cinayət Məcəlləsinin 274 və 341-ci maddələr) ittihamını irəli sürüb: “İstintaq nəticəsində qəti şəkildə müəyyən olundu ki, "Çeildağ" əməliyyatının məğlubiyyətə uğramasının səbəbləri Nəcməddin Sadıkov tərəfindən əməliyyatın bir gün təxirə salınması və nəticədə əməliyyat haqqında düşmənin əvvəlcədən tam və ətraflı məlumatlandırılması olub. İstintaq tam əmin oldu ki, əməliyyat N.Sadıkov və digərləri tərəfindən qəsdən düşmən tərəflə birlikdə koordinasiya olunub.
1994-cü ilin fevralında Hərbi prokurorluğun rəhbərliyinə dəfələrlə məruzə olundu. Hərbi prokurorluq cinayət işinin təcili qaydada baxılması və yekunlaşdırılaraq məhkəməyə göndərilməsini tələb edirdi. Hətta həmin vaxt Nizami Təhməzovla mübahisə etdim və bildirdim ki, qeyri-qanuni qərar qəbul edə bilmərəm. Ciddi təzyiqlərə baxmayaraq, Talıb Məmmədov barəsində cinayət təqibinə xitam verib onu həbsdən azad etdim.
Eyni zamanda, Baş Qərargah rəisi Nəcməddin Sadıkov və digərləri haqqında şübhəli şəxs qismində tutma protokolları tərtib edib, onların müttəhim kimi cinayət məsuliyyətinə cəlb olunmaları barədə qərar qəbul etdim”.
Amma müstəntiqin bu qərarı Baş Prokurorluq və Hərbi Prokurorluqda narazılıq yaradıb. Kamal Əliyev Nəcməddin Sadıkova qarşı qərəzli mövqe tutmaqda günahlandırılıb: “Bu hadisədən sonra, Hərbi Prokuror Nizami Təhməzov mənim işdən azad olunmağım barədə qərar qəbul etdi. Vəzifə səlahiyyətlərini aşmaqda ittiham edilərək həbs edildim.
Baş Prokurorluğun binasında prokurorluq orqanlarının vəzifəli şəxsləri ilə yanaşı Daxili İşlər Nazirliyi və Dövlət Təhlükəsizlik Komitəsinin rəhbər şəxslərinin iştirakı ilə müşavirə keçirildi və gecə saat 11-dən səhər 9:30-a qədər izahatım alındı. Müşavirədə qərar verildi ki, Silahlı Qüvvələrin Baş Qərargah rəisi barəsində özbaşına tutma protokolu tərtib edib cinayət məsuliyyətinə cəlbetmə barədə qərar verdiyimə görə həbs olunmalıyam ki, başqalarına dərs olsun.
Səhəri gün məsələ ölkə rəhbərliyinə məruzə olundu. Prezidentin tapşırığından sonra rəhbərlik cinayət işini mənim icraatımdan alaraq başqa müstəntiqə verdi. Düzdür, işi təhvil alan yeni müstəntiq ittihamı məhkəməyə göndərdi. Lakin Ali Məhkəmə Talıb Məmmədova bəraət verdi. Onun “Çeildağ” əməliyyatındakı 82 hərbçinin ölümündə günahkar olmadığı sübuta yetirildi. Mənim barəmdəki işdən azad olunma və həbs qətimkan tədbiri isə ləğv edildi. Nəcməddin Sadıkovun cinayət məsuliyyətinə cəlb olunması ilə bağlı qərarlarımın sonrakı taleyindən isə xəbərim olmadı”.
Bundan sonra müstəntiq Kamal Əliyev Şuşanın işğalında və vətənə xəyanətdə ittiham edilərək tutulmuş sabiq Müdafiə naziri Rəhim Qazıyevin cinayət işi üzrə istintaqı aparmaqla vəzifələndirilib.
Müstəntiq K.Əliyev Nəcməddin Sadıkovun həbsinə nail ola bilməsə də, həmin olaylardan sonra Sadıkov Müdafiə Nazirliyinin əməliyyat, kəşfiyyat və XTQ-ə müdaxilədən, həmin strukturlardan informasiya alma imkanlarından məhrum edilib.
Qeyd edək ki, Talıb Məmmədov isə bəraət aldıqdan sonra yenidən MN strukturunda çalışmağa davam edib. Nazirliyin Baş Kəşfiyyat İdarəsinin rəisi təyin olunub, general-leytenant hərbi rütbəsinə kimi yüksəlib. Xüsusi Təyinatlı Qüvvələrin hərbi hissəsinin formalaşdırılmasında mühüm rol oynayıb. Azərbaycanın Pakistandakı hərbi attaşesi olub.
Kamal Əliyev isə Hərbi Prokurorluqdan sonra Bakı və Tərtər Hərbi Məhkəmələrində hakim işləyib. Hazırda fəaliyyətini vəkil kimi davam etdirir.
Şərhlər
Allah bunların belini qırsın, şəhidlərimizə rəhmət eləsin. Heç şübhəsiz ki, bu millət satqınların cəzasını verəcək. Türkün bayrağına xəyanət edənlər qan qusacaqlar.
Bu şexs konkret bu Calqın düşmenidir ve 100 % Ermenistana ermenilere işleyib bu 30 ilde.Biz sade bir heqiqeti ,sade bir mentiqi başa düşmeliyik.Rusun neyine lazımdır 82 nefer ve ya onlarla yuzlerle azerbaycan esgeri ve zabiti öldürüldün,onlarda bize bu düşmen münasibet yoxdur.Bu düşmençilik özü de qan düşmençiliyi ancaq ermenide olar.Dünyada ikinci bir millet yoxdur ki bize ermeniler qeder düşmen olub bele füşmençilik etsin, yeni buna ele böyük ağıl lazımdır ki bu sade heqiqeti derk etsin.Başa düşmek olmur bu niye hebs olunmur.Axı bu hebs olunsa ve mühakime ddilse çıx gizlinler aşkar olacaq.....
Bu qədər Azərbaycan balasının qanı sizə haram olsun! İnşaallah dövlətin rusun qorxusundan verə bilmədiyi cəzanı Allah qatında misli ilə alacaq bu qəddar cani, rusun ağzı qanlı quduz iti!! Rabbim sevdiklərindən versin cəzanı nadan it
Bu qeder danılmaz faktların qarşısında bu adam mühakime olunub,kayiqli ceza almaması bu Millete ve Dövlete başucalığı getirmir eslinde bu tehqirdir hem millete hem de dövlete.Zaman gelecek ki bu gün onu mğdafie edenler de “Xalq düşmeni” kimi cezalarını alacaqlar.Günahsız qurbanların qanı yerde qalmamalıdur,onların yaxınlarının,ezizlerinin ahu nalesi bunların cezalandırılması ile mütleq neticelenmelidir Allah qoysa İnşaallah.Zalimı müdafie edenler de ele onlarla şerikdir.
Bas prokurorluq ve herbi prokurorluq sovet dovrunde xarici rusiya kesfiyyatinin yuvasi olub. Bunu bilmeyen yoxdur. Prokurorluq ve huquq muhafize orqanlarindaki stratejik vezifelere rusun adamları, onların yaxin qohum ve ovladlari teyin edilibler. Bunu eldar mahmudov rustem usubov zakir qaralov ve veliyev timsalinda gormek mumkundur. Onlarin yaxin qohum eqrabasi hele de muxtelif vezifelerde elaltindan oz mekirli emellerini davam etdirirler. Cenab Prezident veziyyeti cox yaxsi bilir ve qiymetlendirir. Onlarin aqibeti an meselesidir. Yeqinki siyahilar hazirdir. Korrupsiya rusvetxorluq ve yaltaqliq perdesi altinda yigdiqlari butun var dovlet son qepiyine qeder dovlete qaytarilacaq burunlarindan getirilecek. Xalq semimi ve her bir korrupsioneri ehate eden islahatlari sebrsizlikle gozleyir. Cenab Prezidentin qeyd etdiyi kimi hec kim qohum tanisliq sebebli kenarda qalmamalidir. Hal hazirda heyif ki, melum rusbaslar ve korrupsionerler hele de kef edir! Milli ve vetenperver ali rutbeli sexsler sadece azpolitikada derc edilen xeberleri ve serhleri oxusa kifayet eder ki idare etmede musbet donus yaratsinlar. ....
Çox maraqlıdır.Çöresen elave hansı faktlar ve deliller kazımdır ki bu qeder günahsız zabit ve esgerinin qetline,hebsine sebeb olmuş,”Terter işi” adlanan orosesin müellifi ve teşkilatçısı olan Azerbaycan Ordusunun,Dövletinin ve Milletinin düşmeni olan bu satqın hebs olunsun? Biz elave me qeder qurban bermeliyik ki bu adsm layiq olduğu cezanı alsın .Bu sualın cavabını göresen kim vere biler bu ölkede.
Mene catmir, bax her shey melumdu bu Sadikov hakkinda)) be niye cinayet ishi acilmir bu adama?Niyeee ?