Dövlət Təhlükəsizliyi Xidmətinin (DTX) Müdafiə Nazirliyində həyata keçirdiyi əməliyyatın sonucu olaraq sabiq Baş Qərargah rəisi, bir neçə gün əvvəl Bakıda qəza törətməsi ilə gündəmə gələn Nəcməddin Sadıkov həbs oluna bilər.
Bu barədə “Yeni Müsavat”a açıqlamasında hərbi ekspert Telman Əbilov bildirib.
Deyib ki, Nəcməddin Sadıkov Müdafiə Nazirliyinin Baş Qərargah rəisi postunu tutduğu dönəmlərdə büdcədən müdafiə xərcləri üçün ayrılan vəsaitlərin 10 faizi ona çatıb: “Təsəvvür edin ki, Müdafiə Nazirliyinə ayrılan 200 milyonun 10 faizi Nəcməddinə çatıb. 300 milyon ayrılıb, yenə də 10 faizi onun cibinə gedib. Hər dəfə 20-30 milyona sahiblənib. Pullar təyinatı üzrə xərclənmədən, işlər başlanmazdan öncə Nəcməddin Sadıkova çatdırılıb”.
Hərbi ekspert deyib ki, Müdafiə Nazirliyinin maliyyə sektorunda yüksək vəzifəli şəxslərin külli miqdarda mənimsəmə ittihamı ilə həbsi əbəs deyil: “Bilirsiniz ki, Müdafiə Nazirliyinin maliyyə işlərinə baxan 4 idarəsinin, 1 şöbəsinin rəisləri 15 milyon manatlıq mənimsəmədə ittiham olunaraq həbs olunublar. Bu məbləğ istintaq zamanı 15-20, bəlkə də daha çox arta bilər. Tutulanlar nazirliyin Maliyyə İdarəsinin rəisi Rafael Xəlilov, N saylı hərbi hissənin maliyyə şöbəsinin rəisi Fəzail Əliyev, Quru Qoşunlarının maliyyə idarəsinin rəisi Bayram Bayramov, maliyyə idarəsinin zabiti Vüsal Ədalət oğlu Əlizadə və Hərbi Hava Qüvvələrinin maliyyə xidmətinin sabiq rəisi, polkovnik Cəlal Kazımovdir. Cəlal Kazımov ən son həbs ediləndir. Onların hər biri barəsində 4 aylıq həbs qəti-imkan tədbiri seçilib. İlkin olaraq həbs edilən 4 şəxsə Cinayət Məcəlləsinin 179.4-cü - xüsusilə külli miqdarda mənimsəmə maddəsi ilə ittiham verilib. Polkovnik Cəlal Kazımova bu maddə ilə yanaşı 313-cü - vəzifə saxtakarlığı, 341.2.1-ci - bir qrup şəxs tərəfindən vəzifə səlahiyyətlərini aşma və 341.2.3-cü, ağır nəticələrə səbəb olmaqla vəzifə səlahiyyətlərini aşma) maddələri ilə ittiham elan edilib.
Saxlanan hərbçilər yüksək vəzifəlidir və aydındır ki, belə bir miqyasda mənimsəməni təkbaşına həyata keçirə bilməzdilər. Tutulanlar maliyyə işlərinə cavabdeh olan 1 nömrəli şəxslərdir. Belə bir miqyaslı mənimsəmə 1 günün, 1 ayın, heç bir ilin içində baş verməyib. Bu qədər vəsaiti mənimsəmək üçün uzun müddət əlaqəli iş aparılıb. Bu işlərin içində ali və yüksək rütbəli hərbçilər olub. Bu gün Nəcməddin Sadıkov Azərbaycanda sərbəst gəzib dolaşır, hətta şəhərdə zirehli maşınında gəzib qəza da törədir. Onun həbsi üçün vəzifədə olduğu müddətdə də, bu gün də kifayət qədər əsaslar var".
Ekspertə görə, N.Sadıkovun həbsi üçün siyasi iradə göstərilməlidir: “Məsələn, general Rövşən Əkbərov 2001-ci ildə Ukrayna Respublikasının paytaxtı Kiyev şəhərində Elçin Əliyevi soyuq silahla qəsdən öldürmüşdü. Bu cinayətə görə onun həbsi üçün kifayət qədər əsaslar olsa da, həbsinə qətldən 20 il sonra qərar verildi. Nəcməddin Sadıkovun həbsi üçün əsaslar var. Sadəcə müvafiq tapşırıq verilməlidir ki, onu tutsunlar. Bununla belə, inanıram ki, bu adam həbs ediləcək. Çünki 30 ilə yaxın Azərbaycanın Müdafiə Nazirliyindəki cinayətkar fəaliyyətinə görə cəzasız qala bilməz. Ən azı ”Tərtər işi"ndə baş verənlərə görə onun həbsi vacibdir. “Tərtər işi” onun təşkilatçılığı, şəxsən rəhbərliyi ilə, rus kəşfiyyatının sifarişi əsasında aparılıb. Nəcməddin Sadıkov buna görə cəzaya çatdırılmalıdır"
Şərhlər
Ellerine bel alib AZERBAYCANIMIZI sumlayir bu ..... memurlar
bəs nazi hara baxıb, axı hər hansı bir qürumda pozuntu, yeyinti varsa, 1-ci şəxs məsuldur...Yoxsa Nəcməddindən qorxurmuşlar???
Eger Prezidentin siyasi iradesi sayesinde yaradılmış Pespublika prokurorluğunın istintaq qrupu ,Terter işi” ni qlobal seviyyede aparılsa onun kökü tekce Rusiya Müdafie nazirliyini Baş Qerargah idaresinin Baş keşfiyyat idaresinin üzerinden ABŞ ve Fransad olan Dünya ermeni beynelxalq teşkikatlatına çıxmalıfur.Mence bu işde bizim istintaqçılarımıza mğtleq şekilde Qardaş Türkiyyenin kömeyi be dedteyi vacib olacaq.Gözleyek neticeni.
Yeqin ki,her il ölkenin müdafiesi üçün büdceden MN ayrılan millşardlarla vesaitin teyinatı üzre xerclenmesi meselesi de gündemde olacaq bu şübhesizdşr.Onda ceza növü hebsler yox dar ağacından asılma ve ya güllelenme ile evez olunacaqdır.
Biz Azərbaycan respublikasının vətəndaşı olaraq cənab İlham Əliyevdən nəcməddin sadıqovun və onun kimilərin tezliklə həbs olunmasını xahiş edirik. Biz kasıbçılıq ucbatından düşdüyümüz vəziyyətə görə məhz belələrini ittiham edirik. Azərbaycan xalqı yaxşı yaşamalı, rifah halının yaxşılaşdırılması təmin edilməlidir.
Niyə Nəcməddinə qarş aidiyyətli orqanlar fəaliyyətsiz qalıb?adamın o qədər dövləti və maliyyə cinayətləri qarşısında bu nə susqunluqdur?Bunun adı nədir? Hələ dövlət xidmət maınında gəzib qəza da törədir.Bu anlaşılan deyil! Ölkə sahibsizdir?t
Nəcməddin Sadıkov - 10 % , Maliyyə nazirliyi - neçə % ?
Nəcməddin Sadıqov mütləq və mütləq həbs edilməlidir. Bu adam 30 mln pul yeyib.
Nacmuddin Sadıkov Rusiyaya çox böyük xidmətlər edib.Regionda rus hərbiçiləri əziyyət çəkmədən onun hesabına Azərbaycan balalarını qətlə yetiriblər.Pul ikinci dərəcəli məsələdir....