LUKAŞENKO DA PUTİNƏ XƏBƏRDARLIQ ETDİ... - "Biz haraya uçduğumuzu belə bilmərik...”
Belarus Prezidenti Aleksandr Lukaşenko Fransanın “Associated Press” Agentliyinə müsahibəsində maraqlı fikirlər səsləndirib.
O etiraf edib ki, Ukraynadakı müharibə onun gözlədiyindən artıq müddətə uzanıb: “Deyə bilmərəm ki, hər şey rusiyalıların dediyi kimi, plan üzrə gedir, yoxsa mən hiss etdiyim kimidir. Hiss edirəm ki, bu əməliyyat uzanıb”.
Xatırladaq ki, Lukaşenko müharibənin ilk günü əməliyyatların maksimum 3-4 gün çəkəcəyi barədə açıqlama vermişdi.
Belarus Prezidenti jurnalistin nüvə müharibəsi təhlükəsi barədə də sualını da cavablandırıb. Lukaşenko nüvə silahından istifadənin mümkünlüyünü qəbuledilməz adlandırıb: “Ukrayna müharibəsində nüvə silahından istifadə yolverilməzdir, çünki o, həm də bizim yanımızdadır. Burada olmasa da, ABŞ kimi okeanın o tayında da deyil. Ümumiyyətlə, qəbuledilməzdir...Yer kürəsi orbitdən qopa bilər və biz haraya uçduğumuzu belə bilmərik”.
"AzPolitika.info"
Şərhlər
Nəhayyətdə Lukaşenko da Rusiya qonusunda bir düz fikir səsləndirdi.
Lukaşenko kimi ..prezidentlər..ə nə var ki, bu gün bir söz söylədi sabah başqa! Yadinizdadi putinin Ukraynanı necə 3-4 günə goturəcəyini ağızdolusu söyləyirdi? İndi tamam başqa ..musiqi..çalır!
DİKTATORLAR MANDRAJDADIRLAT