ALİ MƏHKƏMƏDƏN ÇOVDAROVLA BAĞLI GÖZLƏNİLMƏZ QƏRAR - Qanunsuz hesab edildi...
Bu gün Ali Məhkəmədə ləğv edilmiş Milli Təhlükəsizlik Nazirliyinin (MTN) keçmiş idarə rəisi, general-mayor Akif Çovdarov və keçmiş MTN polkovniki Səlim Məmmədovun cinayət işi üzrə əmlaklarının xüsusi müsadirədən azad olunması ilə bağlı qərardan verilmiş kassasiya protesti və kassasiya şikayətinə baxılıb.
"Report" xəbər verir ki, hakim Rəşad Abdulovun sədrliyi ilə keçirilən prosesdə qərar elan edilib.
Qərara əsasən, kassasiya protesti təmin edilib. Əmlakların xüsusi müsadirədən azad edilməsi üzrə məsələ maddi və prosessual hüquq normalarının pozulması ilə həll edildiyindən Bakı Apellyasiya Məhkəməsinin 22 dekabr 2022-ci il tarixli qərarı ləğv edilib.
Məhkumlar - A. Çovdarov və S. Məmmədova münasibətdə əmlakların xüsusi müsadirəsi ilə bağlı məsələyə cinayət və cinayət prosessual qanunvericiliyin tələblərinə müvafiq surətdə yenidən baxılması üçün cinayət işinin apellyasiya instansiyası məhkəməsinə - yeni məhkəmə baxışına qaytarılması barədə qərar qəbul edilib.
Eyni zamanda zərərçəkmiş və mülki iddiaçı Cəfər Səfərovun kassasiya şikayəti də təmin olunub. İş üzrə maraqlı şəxs Çingiz Əsədovun şikayəti isə qismən təmin edilib.
Xatırladaq ki, Akif Çovdarov və Səlim Məmmədov 2015-ci ildə həbs edilib. Bakı Hərbi Məhkəməsinin hökmü ilə Akif Çovdarov 12 il, Səlim Məmmədov isə 11 il müddətinə azadlıqdan məhrum edilib. 2020-ci ildə imzalanmış əfv sərəncamı ilə Akif Çovdarov, 2022-ci ildə imzalanmış əfv sərəncamı ilə Səlim Məmmədov azadlığa buraxılıb. 2022-ci ilin dekabr ayında Bakı Apelyasiya Məhkəməsi Akif Çovdarovun yaxınlarına məxsus 30 milyonluq əmlakın müsadirədən azad olunaraq sahiblərinə qaytarılması barədə qərar qəbul edib.
Şərhlər
Bəs prossesual qaydaları pozan,yanlış qərar qəbul edən hakimin cəzası nə olub? Rüşvət alDavidıb və ya kiminsə tapşırığını yerinə yetirib? niyə buna qiymət verilməyib?Qərar niyə yarımçıqdır?
Akif Çovdarov Azərbaycan qanunlarının necə gərəksiz olduğunu,istənilən vaxt dəyişdirilən və ayaqlar altına atılan mahiyyətini sübut etdi.Qanunlarsa hakimiyyətin qətiyyəti deməkdir!
Men hemişe demilem İnam Kerimov mükemmel kadrdır. ,harda işlemeyinden asılı olmayaraq korrupsiyadan uzaq biri olub.
Bəs yanlış qərar verən Apelyasiya mhkəməsinin hakiminə səhv qərar üçün hansı ölçü götürülüb?Axı hakim qərar verərkən ölkənin qanunlarına istinad etməli idi.Ona görə yüksək maaş alan hakim qanunları doğru tətbiq etməli idi.İctimaiyyətdə məhkəmə hakimlərinin sifarişlə və rüşvətlə qərarlar çıxardığı barədə çoxlu söz-söhbətlər dolaşmaqdadır.f