İcra başçısının sabiq müavini həbs edildi - Nədə ittiham olunur?
Lənkəran Şəhər İcra Hakimiyyəti başçısının sabiq müavini Xalid Rəhimov həbs olunub.
“Qafqazinfo”nun əldə etdiyi məlumata görə, onun barəsində Cinayət Məcəlləsinin 221 və 315-ci (xuliqanlıq və hakimiyyət nümayəndəsinə qarşı müqavimət) maddələri ilə iş başlanılıb. Məhkəmənin qərarı ilə Hirkan qəsəbə sakini olan X.Rəhimov barəsində istintaq müddəti üçün 2 ay müddətinə həbs qətimkan tədbiri seçilib.
Bildirilib ki, X.Rəhimov 2 gün əvvəl idarə etdiyi “Mercedes” markalı avtomobilin sükan arxasında təhlükəsizlik kəmərindən istifadə etmədiyinə görə Gərmətük qəsəbəsi ərazisində yol polisi tərəfindən saxlanılıb. Bu zaman o, polisə müqavimət göstərib və zorakılıq edib. Bu səbəbdən polis şöbəsinə aparılıb. Saxlanılandan sonra tibbi müayinədən keçirilib və onun sərxoş olması müəyyən edilib.
DİN-in Mətbuat Xidmətinin Lənkəran regional qrupunun baş inspektoru, polis kapitanı Məhəmməd Rzayev "Qafqazinfo"nun sorğusuna cavab olaraq bildirib ki, faktla bağlı açılmış cinayət işinin materialları aidiyyəti üzrə Lənkəran Rayon Prokurorluğuna göndərilib.
Qeyd edək ki, Xalid Rəhimov 2021-ci ilədək Lənkəran Şəhər İcra Hakimiyyəti başçısının müavini vəzifəsində çalışıb.
Qeyd edək ki, hadisə barədə ilk məlumatı cenublu.az saytı yayıb.
Şərhlər
Əlbəttə,qanun hamı üçün eynidir,dövlətin milyardlarını həzmi-rabedən keçirmiş Vasif Talıbova gözün üstə qaşın var deyilmədiyindən bəllidir.Sadəcə,bir şey mənə bir Azərbaycan vətəndaşı olaraq maraqlı gəldi.Bu adam iki il əvvələ qədər başçının müavini olub elə o rayondaca,iki il əvvələ qədər o rayon ərazisində maşın sürərkən təbii ki başçının müavini olduğu üçün heç vaxt kəmər taxmayıb bütün başçıların müavinləri kimi.O zamanlar bircə dəfə də olsa bu adamı kəmər taxmadığına görə qaişniklər saxlayıbmı?Hər halda saxlamayıblar ki,buna da qəribə gəlib ki,indiyədək saxlamamısınız,indi xeyir ola?Həmin adamam daa