Ukrayna Prezidenti Volodimir Zelenski generallara xəbərdarlıq edib ki, siyasətə müdaxilə milli birliyə təhlükə yaradır.
“AzPolitika.info” xəbər verir ki, Zelenski bu barədə Britaniyanın “The Sun” nəşrinə müsahibəsində danışıb.
Bildirilir ki, xəbərdarlıqdan əvvəl Ukrayna Silahlı Qüvvələrinin Baş Komandanı, general Valeri Zalujnı ilə mübahisə yaranıb və o, Rusiya ilə müharibənin dalana dirəndiyini və irəliləyişin mümkünsüz olduğunu bəyan edib.
Zelenski Zalujnını açıqlamalarına görə qınayıb və siyasətə girən generalların səhv etdiyini qeyd edib. O, həmçinin xəbərdarlıq edib ki, yüksək rütbəli hərbi rəhbərlər siyasətə girsələr, əsgərlərinin itaətsizliyi riski ilə üzləşirlər. "Müxtəlif siyasi qüvvələr ordunu siyasətə sövq edir. Bu, 2014-cü ildən sonra idi, hər bir siyasi partiya bir növ ordu, müharibə ulduzları istəyirdi və məncə, bu, çox böyük səhv idi. Onları siyasətə sövq etdilər”, - dövlət başçısı qeyd edib.
Zelenskinin sözlərinə görə, “Əgər müharibəni idarə edirsənsə, sabah siyasətə və ya seçkilərə qarışacağını nəzərə alaraq, deməli, sözlərində və cəbhə xəttində özünü hərbçi kimi deyil, siyasətçi kimi aparırsan və mən inanıram ki, bu, böyük səhvdir”.
"General Zalujnıya və döyüş meydanında olan bütün komandirlərə hörmətlə yanaşırıq, iyerarxiya haqqında mütləq bir anlayış var, iki, üç, dörd, beş ola bilməz. Qanuna görə və müharibə şəraitində bu çıxışı belə müzakirə etmək olmaz. Bu, millətin birliyinə gətirib çıxarmaz”, - deyə dövlət başçısı bildirib.
Rüfət
AzPolitika.info
Şərhlər
Generalların siyasətə qarışması hərbi çevrilişlə nəticələnəcək.