Pakistanın Silahlı Qüvvələrinin Quru Qoşunları komandanı, ordu generalı Asim Munir gənclərə sosial medianın təhlükələri ilə bağlı xəbərdarlıq mesajı verib, platformalarda yayılan hər xəbərin yoxlanılmasını vurğulayıb.
“The News International” xəbər verir ki, İslamabaddakı Cinnah Konvensiya Mərkəzində Pakistan Milli Gənclər Konfransında çıxış edən ordu rəisi gənclərə rəqəmsal dünyada naviqasiya zamanı ehtiyatlı olmağı tövsiyə edib.
Asim Munir bildirib ki, məlumatların yoxlanılması haqqında sosial mediada təbliğat məqsədlərindən biri cəmiyyətdə mənfilik və xaosun yayılmasıdır: "Araşdırma və müsbət düşüncə olmadan cəmiyyət xaotik olaraq qalır. Sosial media xaos, ümidsizlik və çaxnaşma atmosferi yaratmaq üçün istifadə olunur. Saxta xəbərlərin köməyi ilə dövlətin gücünü itirdiyi təəssüratı yaranır. Sosial media Pakistan dövlətinə qarşı uydurma iddialarla doludur”.
O, gənclərin ölkənin parlaq ənənələrinin keşiyində dayandığını söyləyərək, onları ölkəyə, onun mədəniyyətinə, sivilizasiyasına, vətənlərinə, millətlərinə inam hissi keçirməyə çağırıb.
Ordu komandiri general Munir daha sonra ordunun terrorçulara qarşı mübarizə qabiliyyətini təsdiqləyib, lakin silahlılara qarşı müharibədə bütün xalqın əməkdaşlığının zəruri olduğunu vurğulayıb: "Silahlı qüvvələrimiz hər zaman hər hansı bir təhdid və sui - qəsdlə üzləşməyə hazırdır. Ölkə suverenliyi ilə heç vaxt güzəştə getməyəcək".
SƏMLA
AzPolitika.info
Şərhlər