“Bütün israillilər Fövqəladə Hallar Komandanlığının göstərişlərinə maksimum diqqətlə əməl etməlidir,” – deyə İsrailin Baş naziri Binyamin Netanyahu bildirib.

O, vətəndaşlara uzun müddət sığınacaqlarda qalmağa hazır olmalarını tövsiyə edib:
“Yüksək ehtimal var ki, siz uzun müddət sığınacaqlarda qalmalı olacaqsınız. Əminəm ki, siz artıq özünüzü ərzaq, geyim və digər zəruri ləvazimatlarla təmin etmisiniz”.

***

İsrail İranın nüvə zənginləşdirmə proqramının ürəyinə zərbə endirib.

“Report” xəbər verir ki, bunu İsrailin Baş naziri Binyamin Netanyahu deyib.

Siyasətçi qeyd edib ki, hücum İranın raket obyektlərinə edilib. O, əsas məqsədin İsrail üçün təhlükəni aradan qaldırmaq olduğunu vurğulayıb:

“İranda vurulan digər hədəflər arasında nüvə fizikləri də var. Bundan əlavə, Natanzda yerləşən uranın zənginləşdirilməsi obyektinə də hücum edilib. Fiziklər İran üçün nüvə bombası üzərində işləyirdilər”.