Ukrayna Rusiyanın aktivləri hesabına Avropa İttifaqından (Aİ) daha 1 milyard avro vəsait alıb.
“AzPolitika” xəbər verir ki, bunu Ukraynanın Baş naziri Denis Şmıqal deyib.
"Bu, artıq ERA təşəbbüsü çərçivəsində Aİ-nin makromaliyyə yardımının beşinci tranşıdır. Biz toplanan vəsaiti dövlət büdcəsinin əsas xərcləri üçün istifadə edəcəyik", - hökumət başçısı özünün Telegram kanalında yazıb.
Onun sözlərinə görə, ümumilikdə Ukrayna ERA təşəbbüsü çərçivəsində Avropa İttifaqından artıq 7 milyard avro alıb. Bu resurs Rusiya Federasiyasının bloklanmış aktivlərinin istifadəsindən əldə edilən gəlirlə təmin edilir.
“AzPolitika.info”
Şərhlər