Hazırda biz regional infrastrukturu tam açacaq "Tramp Yolu" layihəsinin həyata keçirilməsinə diqqət yetiririk, çünki Ermənistan 1990-cı illərin əvvəllərindən bəri faktiki olaraq blokadadadır.
“AzPolitika” xəbər verir ki, bunu Ermənistanın Baş naziri Nikol Paşinyan dünən Nyu-Yorkda BMT Baş Assambleyasının iclası çərçivəsində keçirilən illik Konkordiya Zirvəsində panel müzakirəsi zamanı deyib.
"Əvvəlcə Azərbaycanla dəmir yolu əlaqəmiz olacaq. Ermənistanın Türkiyə ilə sərhədinin və bu çərçivədə Ermənistanla Türkiyə arasında dəmir yolu əlaqəsinin açılmasını səbirsizliklə gözləyirik. Və daha geniş mənada bu, beynəlxalq logistikanı tamamilə dəyişdirəcək, çünki beynəlxalq ictimaiyyət Şərqlə Qərb arasında yeni bir marşruta, yeni bir yola sahib olacaq. TRIPP-nin paralel nəticəsi olaraq, Fars körfəzi ilə Qara dəniz arasında dəmir yolu bağlantısı da açılacaq", - deyə Paşinyan bildirib.
“AzPolitika.info”
Şərhlər