Polis avaralıq və dilənçiliklə məşğul olan 20 nəfəri paytaxtdan rayona göndərib.
Bakı şəhər Baş Polis İdarəsinin (BŞBPİ) mətbuat xidmətindən Trend-ə verilən məlumata görə, Binəqədi rayon Polis İdarəsinin 6-cı bölməsi və Post Patrul Xidməti Bölməsi əməkdaşları paytaxt ərazisində avara və dilənçiliklə məşğul olan 20 nəfəri müəyyən edərək barələrində inzibati qaydada protokol tərtib ediblər. Onlardan 5 nəfəri kişi, 8 nəfəri qadın, 7 nəfəri isə azyaşlıdır.
Daha sonra saxlanılanların qeydiyyada olduqları rayona göndərilməsi təmin edilib.
Şərhlər