Bu gün Mərkəz Bank kredit borclarının statistikasını açıqlayıb. Statistikaya görə, 2 milyon 381 min 592 nəfər (fiziki şəxs) banklara borcludur. 1 milyon 115 min 820 nəfər də borclara zamin olub.
Hüquqşünas Ələsgər Məmmədli bu rəqəmlər əsasında maraqlı müqayisə apararaq, Feysbukda yazır:
"Beləliklə, bankların caynağında olan insanların ümumi sayı 3 milyon 497 min 412 nəfərdir. Son seçkilərdə 2014-dekabrda seçki siyahısında 18 yaşını tamamlamış seçici sayı 4 831 328 nəfər olaraq protokollara qeyd edilib. (MSK-nın saytına baxa bilərsiz).
Deməli 18 yaşından yuxarı əhalinin 72,4% -i banklara borcludur. Bu saya əmək qabiliyyəti olmayanlar, pensiyaçılar və s-də də daxildir.
Bu tablo siyasi fəaliyyətlə məşğul olanları ciddi şəkildə düşündürməlidir: Bizi nə gözləyir?"
Həqiqətən də, böyük hissəsi banklara borclanmış ölkəni nə gözləyir?
"AzPolitika.info"
Şərhlər