SABİQ NAZİRİN XƏSTƏLİYİ MƏLUM OLDU - "Bu xəstəliyə əsas səbəb spirtli içkidir"

Türkiyədəki "American Hastanesi”nə yerləşdirilən eks-vergilər nazir Fazil Məmmədovun səhhəti normaldır. Bu barədə modern.az-a sabiq nazirin yaxınları məlumat veriblər.

Bir müddət Gəncə Beynəlxalq Hospitalında tibb elmləri üzrə fəlsəfə doktoru İlyas Həsənovun nəzarəti altında müalicə alan Fazil Məmmədovun sonrakı müalicəsinin Türkiyədə davam etdirilməsi qərara alınıb. F.Məmmədov Fransadan xüsusi sifarişlə gətirilən ambulans təyyarə ilə Türkiyəyə aparılıb.

Eks-nazirin Türkiyəyə aparılmazdan əvvəl niyə Bakıda yox, Gəncə Beynəlxalq Hospitalında müalicə alması da məlum olub. Xəstəxana personalından verilən məlumata görə, klinika F.Məmmədova məxsusdur. Ona görə də səhhətilə bağlı mütəmadi olaraq orada müalicə alıb.

Eyni zamanda, xəstəxanadan F.Məmmədovun pankreatit xəstəliyindən əziyyət çəkdiyi bildirilib:"Onun qaraciyər serrozundan əziyyət çəkdiyi haqda məlumatlar yalandır. Müayinələr zamanı Fazil Məmmədovda pankreatit aşkarlandı. Amma onun vəziyyəti ağır deyildi. Sadəcə pankreatit təhlükəli xəstəlikdir. Şükür ki, tez bir zamanda müalicəsi uğurlu alındı. Tam yaxşı vəziyyətdə Türkiyəyə yola salındı, hazırda Türkiyədəki "American Hastahanesi”nin professorları Orhan Bilge və Mustafa Keremin nəzarəti altındadır”.

Məlumat üçün bildirək ki, pankreatit mədəaltı vəzin iltihabi xəstəliyidir. Kəskin və xroniki pankreatit olmaqla iki yerə bölünür. Kəskin pankreatit zamanı iltihabi proses sürətlə bir neçə gün ərzində inkişaf edir. Bu adətən tamamilə heç bir iz buraxmadan keçib gedir. Bəzən isə xəstəlik çox təhlükəli olur.

Xroniki pankreatit zamanı iltihab davamlı xarakter daşıyır və iltihabi proses daha yüngül xarakterli olur. 10 haldan 8-ində bu xəstəliyə səbəb öd daşları və spirtli içkidir. Digər səbəblərə az rast gəlinir.

635x100

Şərhlər

Nadir 2018-06-29 11:09:44

Cox içən imiş ki bu. Talançı məmurlar hamısı belə mənfi əlamətli........

o.b.n 2018-06-29 11:09:44

Hansı məmur xəstələnirsə təçili xaricə aparılır......Bir də maraqlıdır pullarıda gedir ancaq ... gəlirlər.Hələ müharibəyə məruz qalan xalqın pulunu yeyən heç bir ölkənin məmuru bəxtəvər həyat sürməyib,onlar qorxudan Analoqu olmayan xəstəlikiər tapırlar.

Son yazılar