Baş Prokurorluq Maliyyə Bazarlarına Nəzarət Palatasının keçmiş sədri Rüfət Aslanlı ilə bağlı araşdırma aparır.
“Qafqazinfo”nun verdiyi xəbərə görə, bunu bu gün mətbuat konfransında Korrupsiyaya Qarşı Mübarizə Baş İdarəsinin rəisi Kamran Əliyev deyib.
Jurnalistin “Türkiyə vətəndaşı Mustafa Veysəl sizə müraciət edərək Rüfət Aslanlının dələduzluq yolu ilə onun 808 min manat pulunu mənimsədiyini bildirib. Rüfət Aslanlı ilə bağlı mətbuatda başqa səpkili yazılar da yayımlanır. Keçmiş rəhbərlə bağlı məsələ nə yerdədir” sualına K.Əliyev istintaq sirrini qorumaqla qısa cavab verib: “İcazə verin mən Rüfət Aslanlı ilə bağlı suala cavab verməkdən yayınım. Çünki bu məsələ ilə bağlı araşdırma aparılır. Mən indi deyəcəyim sözlə gələcəkdə atılacaq addımı qarşılamış olaram. Hər hansı bir ifadəm istintaqa təsir edə bilər. Ona görə də araşdırma yekunlaşdıqdan sonra ictimaiyyətə məlumat veriləcək”.
Şərhlər
Cox maraqlıdı , bu insan əmanətçilərin milonlarla pulun mənimsəyib. Buna bir soz deyən olmadı. Amma kiməsə 800000 pul atıb, buna cinayət işi acıblar. Bəs banglardan əmanətcilərin milyonlarla yediyi pullara gorə Aslanlıyya cinayət işi acılacaq? ( CƏTİN)
Bu adam sözün həqiqi mənasında krallardan üstün həyat tərzi keçirirdi.Ətrafı nökər-naiblə, xidmətçilərlə, əmrə müntəzirlərlə dolu idi. Bütün cəmiyyəti ayaqlarının altında əzmək üçün yollar arıyan bu harının aqibətini göızləyirəm.