“ÇIXARIŞLI ƏMLAKLARIMIZI ƏLƏ KEÇİRİB, 20 MİLYONU MƏNİMSƏYİB...” - Zülfüqarlılardan Prezidentə Şok müraciət

Nurəddin və Loğman Zülfüqarlı qardaşları “Bakı Steel Company” Məhdud Məsuliyyətli Cəmiyyətin rəhbəri Rasim Məmmədovun onlara qarşı qanunsuz əməlləri ilə bağlı Prezident İlham Əliyevə və Birinci vitse-prezident Mehriban Əliyevaya müraciət ediblər.

Müraciətdə deyilir: “Cənab Prezident, hörmətli Mehriban xanım, “Bakı Steel Company” Məhdud Məsuliyyətli Cəmiyyətin rəhbəri Rasim Məmmədov mütəmadi olaraq Zülfüqarlı qardaşlarına, məhkəmələrə təzyiq göstərib qanunsuz qərarlar qəbul edilməsi ilə bizə məxsus əmlakları ələ keçirir və bəzi kütləvi informasiya vasitələrində haqqımızda böhtan xarakterli açıqlamalar verir. Sonunci dəfə “Haqqın az” saytına verdiyi açıqlama biz Zülfüqarlı qardaşlarını arzulamadığımız bu müraciəti sizlərə KİV vasitəsilə ünvanlamağa məcbur edib.

Sizə bildiririk ki, 2002-ci ilin may ayında Ulu öndərimiz Heydər Əliyevin tövsiyəsi ilə “Bakı Poladtökmə” zavodunun özəlləşdirilməsi üçün elan edilən tenderdə iştirak etmişik. Həmin tenderin qalibi olaraq külli miqdarda investisiya yatıraraq adıçəkilən zavodu özəlləşdirmişik.

Eyni zamanda, müəssisədə müasir texnoloji avadanlıqlar quraşdırıb istehsal prosesinə başlamaqla minlərlə vətəndaşımızı işlə də təmin etmişik. 2002-ci ilin aprel ayında yenidən Ulu öndərimiz Heydər Əliyevin rəhbərliyi ilə sahibkarlarla görüş keçirildi. Bu dəfə Ulu öndərin tövsiyəsi ilə “Bakı Elektroştamp” zavodunun özəlləşdirilməsi ilə bağlı tenderin qalibi olduq.Yenə külli miqdarda investisiya yatırmaqla yararsız vəziyyətdə olan bu zavoddakı istehsal prosesini yenidən bərpa etdik.

"Rasim Məmmədov bizə məxsus yanma xəttini, ofisi zorla ələ keçirib"

Cənab Prezident, hörmətli Mehriban xanım!

2008-ci ildə külli miqdarda investisiya yatıraraq Qaradağ rayonu ərazisində Qafqazda analoqu olmayan iri diametrli spiral boru istehsalına başlayaraq “Xəzər-boru” zavodunu tikdik. 2010-cu ildə Bakının Keşlə qəsəbəsində müasir universal şverler və armatur istehsalı üçün yayma xətti quraşdırmışıq.  Rasim Məmmədov külli miqdarda investisiya yatırdığımız bizə məxsus həmin xətti məhkəmələrə təzyiq göstərib qanunsuz qərarlar çıxartdıraraq qismən ələ keçirməyə nail oldu.

Məhkəmə qərarında həmin yayma xəttinin ona məxsus olmadığı qeyd edilsə də, Rasim Məmmədov bu azmış kimi, tam ona məxsus olmayan, 4 dəfə keçirilmiş ekspertiza rəyi ilə həmin avadanlığın istismara yararsız olması rəylərini belə nəzərə almadan bu gün də məhkəmələrə təzyiq göstərir.

Məqsədi hamıda gülünc doğuran tamamilə qanunsuz iddia irəli sürməklə bu avadanlığa görə bizdən əlindən çıxmış fayda tələbinin yerinə yetirilməsidir.

Bundan başqa, Loğman Zülfüqarlı 2004-cü ildə külli miqdarda investisiya yatıraraq Binəqədi rayonu, Binəqədi şossesi 53 M ünvanında 0,17 hektar torpaq sahəsində 2500 kvadrat metrlik ofis binası tikdirib. 2011-ci ilin yanvar ayından həmin Daşınmaz Əmlakın Dövlət Reyestr Xidməti tərəfindən verilmiş çıxarışda ofisin şəxsi əmlak kimi göstərilməsinə baxmayaraq,  Rasim Məmmədov zorla ələ keçirib və bu günə qədər də qaytarmır.

"Rasim Məmmədov bizə dəyəri on milyonlarla manat zərər vurub"

Cənab Prezident, hörmətli Mehriban xanım!

Elnur Zülfüqarlıya məxsus Binəqədi rayonu ərazisində, ümumi sahəsi 1147 kvadratmetr istehsal sahəsi olan qranitkəsmə sexinin Daşınmaz Əmlakın Dövlət Reyestr Xidmətindən verilmiş şəhadətnaməsi nəzərə alınmadan həmin sexi də zorla ələ keçirib və bu günə qədər də qaytarmır.

[caption id="attachment_507419" align="aligncenter" width="587"]

Loğman Zülfüqarlı[/caption]

Rasim Məmmədov biz Zülfüqarlı qardaşlarına qarşı hüquq-mühafizə, istintaq, məhkəmə orqanlarına təzyiq göstərərək dəfələrlə qanunazidd hərəkətləri ilə bizə məxsus əmlaklarımızı zorla ələ keçirib və bizə dəyəri on milyonlarla manat zərər vurub. Bunun nəticəsində minlərlə vətəndaşımız işindən məhrum olub. Zəbt olunan sadaladığımız zavodlar və digər müəssisələr isə Rasim Məmmədovun şəxsən rəhbərliyi ilə dağıdılıb və xarabalığa çevrilib.

"Bizə ödənilməli olan 20 milyon manat Rasim Məmmədov tərəfindən mənimsənilib"

Cənab Prezident, hörmətli Mehriban xanım!

Rasim Məmmədov himayədarlarına arxalanaraq bu qədər saysız-hesabsız qanunsuz əməlləri törətməklə respublikanın rəhbərliyinə biz Zülfüqarlı qardaşları barəsində yalan, həqiqətə uyğun olmayan məlumatlar verib.

Hətta respublika rəhbərliyinin göstərişi ilə “Bakı Poladtökmə” və “Bakı Elektroştamp” zavodlarına, zorla ələ keçirilərək, mənimsənilən əmlaklara görə Zülfüqarli qardaşlarına 20 milyon manat ödənilməsi barədə tapşırıq verilsə də, həmin məbləğ də bu günə qədər ödənilməyib. Bizdə olan məlumata görə, onun tərəfindən mənimsənilib.

[caption id="attachment_507420" align="aligncenter" width="582"]

Nurəddin Zülfüqarlı[/caption]

Bizə qarşı bu qədər qanunsuzluğa, özbaşınalığa, haqsızlıqlara baxmayaraq, Rasim Məmmədov hansı üzlə mütəmadi olaraq mətbuata Zülfüqarlı qardaşları barəsində həqiqətə uyğun olmayan ziddiyyətli, böhtan xarakterli açıqlamalar verir?

Biz inanırıq ki, Sizin müdaxilənizlə Rasim Məmmədov öz çirkin əməlindən, nəhayət geri çəkiləcək. Çünki Zülfüqarlı qardaşlarının Azərbaycan dövlətinə, hakimiyyətinə, xalqımıza hər zaman göstərdiyi xidmətlər respublika ictimaiyyətinə də məlumdur. Rasim Məmmədovun böhtan xarakterli açıqlamaları isə onun öz nüfuzuna ciddi xələl gətirir.Təəssüf ki, özü bunu hələ də başa düşmək istəmir.

Yeri gəlmişkən onu da diqqətinizə çatdırırıq ki, məhkəmədə mübahisələndirilən 17.04.2019-cu il tarixə təyin edilən, eləcə də məhkəmə rəsmi qərar çıxarmadan tamamilə qanuna zidd olaraq “Bakı Elektroştamp” zavodunun qapıları sındırılaraq zəbt edilib.

"Rasim Məmmədovun əməllərindəki danılmaz cinayət faktlarının araşdırılsın"

Biz Sizdən bu dərəbəyliyə reaksiya verməyinizi də xahiş edirik. Sizdən onu da xahiş edirik ki, Rasim Məmmədovun əməllərindəki danılmaz cinayət faktlarının araşdırılması üçün hüquq-mühafizə orqanlarına göstəriş verəsiniz və işin ədalətli həllini şəxsi nəzarətinizə götürəsiniz.

Cənab Prezident, hörmətli Mehriban xanım!

Sizlərin son zamanlar apardığınız islahatlar respublika ictimaiyyəti tərəfindən yüksək qiymətləndirilir. Biz Zülfüqarlı qardaşları da sizlərin apardığınız siyasəti, davamlı islahatları dəstəkləyirik.

Hörmətlə, Zülfüqarlı qardaşları.

P.S. Bizi bu müraciəti ünvanlanmağa “Bakı Steel Company” Məhdud Məsuliyyətli Cəmiyyətin rəhbəri Rasim Məmmədovun uzun illərdir davam edən qanunsuz hərəkətləri, böhtanları məcbur edib".

AzPolitika.info: Müraciətdəki ittihamlarla bağlı Rasim Məmmədovun da mövqeyini işıqlandırmağa hazırıq. 

635x100

Şərhlər

Nəsimi 2019-04-17 16:11:26

Azərbaycan Prezidenti cənab İlham Əliyevin apardığı iqtisadi siyasətə uyğun olaraq sənayemizin şaxələndirilməsi yeni qeyri neft sektorunun ingişafındakı xidmətləri millətimiz tərəfindən yüksək dəyərləndirilir.Bundan bəhrələnən sahibgarlar yeni iş yerlərinin acılmasında səylə calışırlar.Belə sahibgarlardan biridə Zülfüqarlı qardaşlarıdı.By qardaşların Azərbacanın ingişafında özünə maxsus yerləri vardır.Amma buna baxmayaraq bəzi gög atmış məmurlar dolayısı ilə mane olmağa cəhd edirlər.Sizə inanırıq.

vidadi goyce 2019-04-17 16:11:26

axillanin yanina gedin, kentavr xironun adresini alin,belke duzeler,antik dovru bilmek lazimdir

Toğrul 2019-04-17 16:11:26

Cənab Prezident apardığınız uğurlu siyasətin nəticəsidir ki müxtəlif təyinatli sənaye muəssisəsi işə düşüb yeni iş yeri acılıb.Bu işlərin nəticəsidir ki Zulfüqarli qardaşlarıda yaranmış əlverişli mühitdən ruhlanaraq yeni investisiyalar yatırmaqla yüzlərlə yeni iş yeri acmişlar. Belə sahibkarlar Sizə güvənir və ölgəsinin cicəklənməsi ücün yeni texnalogiyaların tətbiqinə səylə calışırlar.Rasim kimilər bu böyük uğurlara nə qədər mane olmağa calışsalar belə yüzlərlə fəhlə sinfi Sizə inanır.

Əhməd 2019-04-17 16:11:26

Cənab Prezdent Sizə edilən bu müraciətlər təbi ki.cavabsız qalmayaçağına inanıram.Rasim Məmmədov kimlərinsə himayəsi altında Zülfüqarlı qardaşlarına etdikləri maddi və mənəvi təziqlər qardaşların qurub yaratmaq eşqinə əzminə gölgə sala bilməz.Əksinə.Zülfüqarlı qardaşlarına edilən bu təzyiqlər onların yeni-yeni lahiyələrinə imza atacaqlarına əminik.Bu yolda Zülfüqarlı qardaşlarına başarlar arzu edirəm.

Əli 2019-04-17 16:11:26

Rasim kimilər gəldi gedərdi qalan dövlətimizdir.Dövlətimiz var olsun xainlərdə xar olsun.Heydər babanın qurduğu dövləti yixmaq nədir hec silkələmək mümgün deyildir.Cünki bizlər onun əsgəriyik.Qorumuşuq qoruyacağıq.Bu dövləti sevməyi bizə Ulu Öndər öyrədib.Ruhu şad olsun.Firon kimi hərəkə edirsən ay rasim məmmədov o,tarixdə lənətlənmiş kimi xatırlanır.Catana catıb catmayana az daş at o daş bir gündə sənə dəyəcəg.Az toxun iş adamlarına.

Hüseyin 2019-04-17 16:11:26

Şərhləri oğuduqca belə təsəfur yaranir ki. Zülfüqarli qardaşlarina edilən bu haqsızliq sanki kanpaniya xarakteri daşiyir və kimlərinsə marağındadir.Yeni ideyalar yeni lahiyələr figirləşib həyata gecirməg əvəzinə bir qurup mərdimazar dəllarlar suyu bulandirmaqla özlərinin cirgin planlarini həyata gecirmək ucun sangi yarişa cıxmışlar.Bəli bu yarişda inşallah haqli olan qazanacaq.Buna əminəm cünki Allahıma inaniram.Əbədi olan Allahim haqdir naingorlarin dərsini öz qüdrətilə məhf edəcək.Güvəncimiz Allahdir.

Mədət 2019-04-17 16:11:26

Cənab Prezident apardiğiniz siyasətin nəticəsidir ki. cəmiyətimizdə əmin amanliq hökm surur. Bu Sizin gecə-gunduz cəkdiyiniz zəhmətin nəticəsidir.Mən.milyonlarla Azərbaycan vətəndaşindan biri olaraq bu sakitlikdən bəhrələnlərdən biriyəm.Bu stabilliyin qorunub saxlanmasinda Sizlərin yanindayiq.Apardiğiniz iqtisadi siyasət.yeni-yeni iş yerlərinin acılması gələcəyə umudumuzu artirir.Siyasətinizi sapi özumuzdən olan baltalar hər an vurmağa cəhd etmişlər.Belələrindən biri də işbaz rasim məmmədovdur.

Aqil 2019-04-17 16:11:26

Ey ucuz insanlar iş adamının malını talan edersiniz , Her kese bellidir Rasimin. arxaslnda tulku kimi gizlenirsiniz , Allah belanlzl verecek , Aglıyanın malını gülen yeye bilmez

Mikayıl 2019-04-17 16:11:26

Vətənimizin günü-gündən inkişafında zəhməti olan hər bir vətəndaşın fəxr etməyə haqqı var. Bu işlərdə Siz başda olmaqla Cənab Preziden tsahibkarların da böyük zəhməti vardır. Belə sahibkarlardan biri də Zülfüqarlı qardaşlarıdır. Sahibkarların önünü açmaq, onların inkişafına dəstək olmaq, yeni-yeni iş yerlərinin açılması Sizin başlıca siyasətinizdir. Buna əngəl olan rasim məmmədov kimi işbazlar, onların yalan məlumatları cəmiyyətdə çaşqınlıq yaradır. Yalan ayaq tutar yeriməz.

Nata 2019-04-17 16:11:26

Zəhmətinlə qazandığın pulla qurduğun zavodları kimlər tərəfindən heç bir əsas olmadan mənimsənilməsi doğrudan da zor.Bu gedişlə hara gedəcəyik? Tarazlıq pozulur. Sanki dünyanın axırıdır. Cənab Prezident Ulu Öndər tərəfindən qurulan, Siz tərəfindən qorunan Azərbaycan evimizi Rasim Məmmədov kimilərdən təmizləməyin zamanı deyil mi?!

Сабина 2019-04-17 16:11:26

Rasim Mamedov qurduğun məhkəmə oyunları ilə qanunsuz əməllərinə "qanuni" don geyindirməklə nə vaxta kimi havadarlarına sığınacaqsan? Bir gün bunun sonu olacaq.

şəbnəm 2019-04-17 16:11:26

iş yrrləri acib dövləti ingişaf etdirmək lazimdir.rasim məmmədov kimiləri tərəfindən nə vaxta dək davam edəcək qondarma hoqqalar.bəzi zavodlari ala ala gedirsən get Qarabaği da alda. onun bunun cibinə az gir.bu dunya hec kimə qalmayib.özunlə o dunyaya nə aparacaği sormusanmi bi qafil

Tofiq Qasımov 2019-04-17 16:11:26

Zülfüqarlı qardaşlarının malına-mülkünə göz dikməklə nəyə nail olacaqsan? Nəmrudsanmı? Bu dünyada nə vaxtsa kiməsə cavab verəndə sorğudan alnı açıqmı çıxacaqsan? Çox təəsüf.

Mələk 2019-04-17 16:11:26

Cənab Prezident apardiğiniz siyasəti dəstəkləyirik. Siyasətinizə kölgə salanların dərsini verməyin zamanıdır. Həmişə sizinləyik Cənab Prezident. Zülfüqarlı qardaşlarına edilən yersiz hücumlarda kim qazanacaq? İtirilən dövlətin imicidir. Qoçu dövrü keçmişdə qaldi ey rasim memmmedov

Atilla Məmmədzadə 2019-04-17 16:11:26

Möhtərəm Prezident! Mən Sizin bu cür özbaşınalıq və dərəbəylik yaradan, harınlamış, nəinki hüquq və biznes normalarından kənar, hətta insaniyyətdən kənar allahsız ünsürlərə (kimliyindən asılı olmayaraq məmurlara və ya onların adamlarına) olan mövqeyinizi başa düşmürəm. Bir yandan, durmadan bu xalqın yaxşı yaşaması üçün dəyərli sərəncamlar və fərmanlar verirsiz (təbii ki, onların icrasına da nəzarət edirsiz), bir yandan da, bu cür ünsürlərin Sizin apardığınız işlərə -siyasətə ləkə salmasına elə bil “göz yumursuz”. Axı, bu ünsürlər tək bir insana ziyan vurmur (ziyan vurduqları o sahibkarın sayəsində evinə çörək aparan minlərlə insanlar var.), dolayısı ilə Sizə, Sizin apardığınız siyasətə ziyan vururlar, minlərlə insanlarda bu quruluşa – hökümətə qarşı nifrət yaradırlar. Digər tərəfdən, Sizə qarşı müxalif olan qüvvələrin əlinə Sizə qarşı tutarlı “tütək” verirlər. Mən hesab edirəm ki, bu ünsürlərin Sizə (dolayısı ilə bütün xalqımıza) vurduqları ziyan bütün müxalif qüvvələrin birlikdə vurduqları ziyandan dəfələrlə çoxdur. Möhtərəm Prezident! Mən Sizin və xanımınızın apardığı siyasəti-gördüyünüz bütün işləri səmimi dəstəkləyən milyonlardan biriyəm. İnanıram ki, Siz əvvəllər olduğu kimi, indi də, bu cür xoşagəlməz vəziyyətə biganə qalmayacaqsınız. Ədavət və hüquq çərçivəsində bu cür ünsürlərin “dərsini” verəcəksiniz. Hörmətlə, Atilla Məmmədzadə.

Ülkər Cəfərova 2019-04-17 16:11:26

Qurub yaratmaq işi yalnız Allahin sevimli bəndələrinə məxsusdur. İnsanlara çörək vermək, qayğısına qalmaq haqq işidir. Ey Rasim Məmmədov nə etdiyinin fərqindəsənmi?!

İbrahim 2019-04-17 16:11:26

20 milyonluq əmlakın həqiqi sahibləri sayılan Zülfüqarlı qardaşlarına qaytarılması qərrarını səbırsızliklə gözləyirik

Ayka 2019-04-17 16:11:26

Bizlər günü-gündən firavan həyat eşqi ilə yaşamaq arzusunda olduğumuz zaman cəmiyyətimizdə baş verən bu özbaşnalıqlar bir vətəndaş kimi məni də narahat edir. Bəli, Zülfüqarlı qardaşlarının bir sağlam iş adamalrı kimi gördükləri işlər göz qabağındadır. Müəyyən insanların mənfur hərəkəti cəmiyyətimizdə insanlar arasında qıcıq yaradır. Haqq üzülər amma qırılmaz.

Roman 2019-04-17 16:11:26

Rasim orada sadece mudir adini dashiyir.Arxasinda yox bashinin ustunde djranlar var.

Nicat Novruzov 2019-04-17 16:11:26

Bu Rasim Məmmədov kimə belə arxalanır ki, bu qədər rahat insafsızlıqlar edir və cəzasız qalacağınada çox əmindir. Biz Prezidentimizdən xahiş edirik ki, bu Rasim Məmmədovun hegemonluğunun qarşısını alsın.

israfil 2019-04-17 16:11:26

Bizim Haqlı tələblərimiz ümid edirik Möhtərəm Prezizentimiz cənab İlham Əliyevə çatacaq.

Fuad Ələkbərov 2019-04-17 16:11:26

Zülfüqarlı qardaşlarının məsələsinə baxılmağına araşdırılmağına aidiyatı üzrə göstəriş verməyinizə Cənab Prizidentimiz sizden xaiş edirik yalniz siz bu rasim məmmədovu durdura bilərsiz və onun həqqiqi kim olduğunu ve nə əmmələri olduğunu görəcəksiniz .

Vəli İbrahimov 2019-04-17 16:11:26

Rasim Məmmədov kimi insanlara görə ökəmizdə çoxlu sahibkarlar işlərini dondurub. Bu Rasim Məmmədovun qarşısını kimsə alacaq yoxsa yox?

Zuleyxa Haciyeva 2019-04-17 16:11:26

Rasim Məmmədov niyə sənin adın qurub yaradanlar sırasında yox, kimlərinsə haqqına girməklə dağıdanlar sırasında çəkilirsə bir insan kimi özüvə sual vermirsənmi axı sən zəhmətlə pul qazansaydın belə addım atmazdın. Zəhmətilə qazanan insanlara qənim kəsilməzdin.

yusif 2019-04-17 16:11:26

Rasim Məmmədov tərəfindən zəbt olunmuş müəssisələrin Zülfüqarlı qardaşlarına qaytarılmasını tələb edirik.Bu haqsızlıqlara son qoyulmalıdır.

Yalçın 2019-04-17 16:11:26

Məncə əvvəl axir haqq ədalət öz yerini tapacağ və dövlətimiz bu məsələyə biganə qalmiyacag,mən buna inaniram.

Qocalı Rəhim 2019-04-17 16:11:26

Rasim Məmmədovun Züfüqarlı qardaşlarının işlərinə bu qədər müdaxilə etməsinə nə ad vermək olar??? Başqa sahibkarlarda Rasim Məmmədovun bu qanunsuz müdaxilələrindən əziyyət çəkirlər. Ümüd edirik ki, bu haqsızlıqlara nəhayət son qoyulacaq və Azrbaycanda sahibkarlıq inkişaf edəcək.

Surxay Muxtarov 2019-04-17 16:11:26

Bütün bu hadisələrin tam şahidi olmuşam və Zülfüqarlı qardaşları Rasim Məmmədova görə işlərini inkişaf etdirə bilmirlər. Ümüdvaram ki, Prezidentimiz canab İlham Əliyev və vitse-prezidentimiz Mehriban xanım Əliyevanın dəstəyi ilə Zülfüqarlı qardaşları öz işlərini inkişaf etdirə biləckələr.

Haqverdi 2019-04-17 16:11:26

Biz Azneftkimyamaşın bir qrup əməkdaşları Zülfüqarlı qardaşlarına səs veririk.Onların haqqı taptalanmamalıdır.Rasim Məmmədovun mafiya forması Azneftkimyamaşın Balaxanı və sabayıl maşınqayırma z-dlarında baş verir.Dğvlət əmlakı dağıdılır,mənimsənilir,satılır.Maraqlısı budur ki,Res.Prokurorluğunun ya bunda xəbəri yoxdur,ya da buna göz yumur.Hamımız prokuror orqanlarından yoxlamanın gəlişini gözləyirik.Onlara sübut edici faktla komek etməyə hazırıq.ADMİN Sizdən xahiş edirik bizim səsimizə kömək edin.

Rövşən 2019-04-17 16:11:26

Ölkəmiz bir qoçu sahibkarın yox, sağlam yüzlərlə sahibkarın əzmi sahəsində inkişaf etməkdədir. O sahibkarlardan biri də Zürfüqarlı qardaşlarıdır. Belə sahibkarların üstünə getmək yox, əksinə şərait yaradılmalıdır ki, yeni yeni iş yerlərini açmağa maraqlı olsunlar. Belə sahibkarları qorumaq hər birimizin vətəndaşlıq borcu olmalıdır.

Roman Əliyev 2019-04-17 16:11:26

İş yerlərinin açılmasında misilsiz xidməti olan Cənab Prezidentin əməyinə kölgə salmaq günahdır. Cənab Prezident təkdir, ona kömək hər bir vətəndaşın borcudur. Zülfüqarlı qardaşları da bu işlərdə Cənab Prezidentin siyasətini dəstəkləyir və yeni iş yerlərinin açılması ilə sübüt edirlər.Bu haqq yolda Zülfüqarlı qardaşlarına dəstək olmağınızı Cənab Prezident Sizdən xahiş edirəm.

İsmayıl 2019-04-17 16:11:26

Rasim Məmmədov kimdir bilmirem. Ona Dur deyən olacaq mı?! Hansı əsrdə yaşayırıq? Nə vaxta kimi Zülfüqarlı qardaşlarına qarşı bu cür haqsızlıqlar davam edəcək?

Arif Huseynov 2019-04-17 16:11:26

Bütün sahibkarlara yaşıl işıq yandırılmalıdır, cünki onlarsız cəmiyyətin inkişafı mümkün deyildir. Əminəm ki, Zülfüqarlı qardaşları üçün də yaşıl işıq yandırılacaq.

Xalid 2019-04-17 16:11:26

"Bakıpoladtökmə" ASC və "Bakıelektroştamp" ASC kimi zavodların alınıb minlərlə işçinin çölə atılması və bugün yararsız hala düşməsində Rasim Məmmədov kimilərinin və onun havadarlarının çirkin işlərinin nəticəsidir.

Orxan 2019-04-17 16:11:26

Bu günlərdə Zülfüqarlı qardaşlarına qarşı başlayan basqı kampaniyasında rasim məmmədov kimi sonradan peydə olmuş dırnaqarası sahibkarlar öz maraqlarını güdməkdən başqa bir şey deyildir. rasim məmmədovun prinsipi "Babam mənə kor deyib, gəlib gedəni vur deyib" anlamı ilə yaşamaqdadır.

Novruz Bayramlı 2019-04-17 16:11:26

Sahibkarlara edilən ayrıseçkilik cəmiyyətimizin inkişafına mənfi təsir göstərir. Zülfüqarlı qardaşlarına edilən haqsızlıq yüzlərlə insanın işsizliyinə səbəb ola bilər. Buna yol vermək olmaz!

Cavid 2019-04-17 16:11:26

Cənab Prezident həmişə haqqın edaletin yanında olmusunuz. İnanıram ki, Zülfüqarlı qardaşlarına edilən basqılarda da qəti sözünüzü deyəcəksiniz.

Nurlan 2019-04-17 16:11:26

Cəmiyyətimizin inkişafında, yeni iş yerlərinin açılmasında zəhməti olan hər bir sahibkara, o cümlədən Zülfüqarlı qardaşlarını qorumaq haqq işidir.

Yusif 2019-04-17 16:11:26

Sahibkarlara edilən basqılar Ölkəmizin imicinə zərər vurduğunu nəzərə alaraq Zülfüqarlı qardaşlarına edilən basqılara YOX deyirik.

Tunar 2019-04-17 16:11:26

Cənab Prezident ölkəmizdə rəhbərlik etdiyiniz müddətdə haqq-ədalətin qorunub saxlanmasında atdığınız addımları dəstəkləyir və ölkə iqtisadiyyatına zərər vurmağa çalışan rasim məmmədov kimilərin qarşısını vaxtında alacağınıza umud edirik!

ADİL 2019-04-17 16:11:26

Rasim Məmmədov kimilər hazırın naziridi. Harada milyonlarla manata başa gələn və gəlirlə işləyən müəssisələr varsa, zəbt edib özününküləşdirir, sonra da onları xaraba qoyur. Başqasının mal- mülkündə gözü olan belə harınlamışların allah bəlasını versin, inşallah.

Dunyanın sonu 2019-04-17 16:11:26

Ölkə başçısından xahiş edirik bu özbaşnalığa SON versin. Haqq-edalet nehayet öz yerini tutsun İn Şha Allah!

Meherrem 2019-04-17 16:11:26

Ölkəmizdə gedən quruculuq işlərində yaxından əməyi olan Zülfüqarlı qardaşlarına qarşı rasim məmmədov kimiləri tərəfindən edilən basqılara son qoyulmasının zamanı deyilmi?! Cənab Prezident inanırıq ki, ölkəmizin çiçəklənməsində yaxından zəhməti olan Zülfüqarlı qardaşlarına dəstək olacaqsınız.

Sərvan 2019-04-17 16:11:26

Çox hörmətli cənab Prezident! Çox hörmətli Mehriban xanım! Sizin uğurlu daxili və xarici siyasətiniz nəticəsində Azərbaycan regionda ən inkişaf etmiş ölkəyə çevrilib. Ölkəmizdə sahibkarlara göstərdiyiniz diqqət və qayğının nəticəsi olaraq fəaliyyətdə olan zavod, fabrik və s. iş yerlərinin açılması insanların rifah halının və sosial vəziyyətinin yaxşılaşdırılması üçün verdiyiniz mühüm fərman və sərəncamlar hamını ürəkdən sevindirir. Cənab Prezident,Biz Rasim Məmmədov tərəfindən Zülfüqarlı qardaşlarına qarşı davam edən haqqsızlıqlara son verilməsini istəyirik və inanırıq ki baş vermiş bu haqqsızlıqlarla bağlı ədalətli qərar verilməsi üçün aidiyyatı qurumlara müvafiq tapşırıqlar verəcəksiniz.

Behman 2019-04-17 16:11:26

Zulfuqarli qardaslarina edilen bu haqsizliq,isbaz,onun bunun malini elinden alib, ozune imperiya yaradan Rasim Memmedova dur deyen tapilacaqmi ? Yoxsa bu ozbasinaliq ne vaxta kimi davam edecek ? Dusunurem ki, Cenab Prezidentimiz bu haqsizliga son qoyacaq.Haqq oz yerini tutacaq.Hem Zulfuqarli qardaslarinin zebt olunmus mulklerini, eyni zamanda hemin muessiselerde isleyen minlerle isciler isle temin olunacaq.

Şirin Bey 2019-04-17 16:11:26

Bu haqqsizliqa son qoymaq lazımdi men cənab Prizidentimize inaniram o heç vaxt bu cür özbaşnalığa göz yunmaz və tezliklə haqqı ədaləti göstərəcək.

Sekine 2019-04-17 16:11:26

Bu haqsizliğa Son qoyulmalidir. Bele exlaqsiz mexluqlarin hereketlerine "DAYAN" demek lazimdir. Bu olkenin geleceyi namine bu derebeyliye son qoyulmalidir.

Tural Əlizadə 2019-04-17 16:11:26

Bütün bu olayların bir qisminin şəxsən şahidi olmuşam və haqsızlığın baş verdiyinə əminəm. Prezidentimiz cənab İlham Əliyevin və 1-ci vitse-prezientimiz Mehriban xanım Əliyevanın Zülfüqarlı qardaşlarına dəstək olacaqlarına ümüd bəsləyirik.

Vəkil 2019-04-17 16:11:26

Sonra da deyirik ki dunya,avropa,amerika bizi demokratik,azad,suveren respublika kimi tanisin? Bele şey heç bir dunyada yoxdur! Hetda afrika,ereblerde bele şey etmezler???? İnsan 2 şeyden qorxmalidir 1-ci qanundan sonra tanridan 3-cunu bilmirem.

Pervane 2019-04-17 16:11:26

Zulfuqarli qardaslarinin kullu miqdarda investisiya yatiraraq qurub yaratdigi zavodlarini ele kecirib, talan etmek Rasim Memmedova su icmek kimi asan bir hereketdir. Cenab Prezidentimiz! Sizin Rasim Memmedovun bu ozbasinaligina,haqsizligina bigane qalmayacaginiza inaniriq.

Afa 2019-04-17 16:11:26

Rasim Memmedovun bu ozbasinaligina ve haqqsizligina son qoyulmagini teleb edirik

sahib 2019-04-17 16:11:26

Rasim Məmmədovun zorakılıq hərəkətlərinə son qoyulmasını tələb edirik.Züjfüqarlı qardaşlarının qanuni əmlaklarının özlərinə qaytarılmasını Möhtərəm Prezidentimizdən xahiş edirik

rauf 2019-04-17 16:11:26

Biz Dövlət Başçısının sahibkarlığın inkişafı istigamətində imzaladığı qərar və sərəncamları dəstəklıəyirik.İnanırıq ki Zülfüqarlı qardaşlarının haqlı tələbləri tezliklə öz həllini tapacaqdır.

юнис мехтиев 2019-04-17 16:11:26

Möhtərəm Prezidentimiz cənab İlham Əliyev və Mehriban xanım Əliyevanın qaldırıian məsələ ilə bağlı müdrik.ədalətli qərar verəcə yinə inanırıq.Zülfüqarlı gardaşlarının açıglama verdikləri Rasim Məmmədovun özbaşnalıqları həqiqətən dözülməz həddə çatmışdır.Buna son qoyulmasını tələb edirik.

Oruc 2019-04-17 16:11:26

Zülfüqarlı qardaşlarına edilən bu haqsızlıqlarda rasim məmmədov kimi işbaz piyada rolunda iştirak etsə də belə, ne vaxtsa bu əməllərinə görə cavab verəcəkdir. Bu şərəfli quruculuq işində Zülfüqarlı qardaşlarına səbr diləyirəm.

Afsana Ismayilova 2019-04-17 16:11:26

Baki Poladtokme ASC-nin iscisi olaraq onu deye bilerem ki 1000 neferden cox iscisi olan zavodu yan uste qoymaq haqqsizliqdan basqa bir sey deyil. Allah Rasim Memmedova hidayet versin. Insallah Respublikamizda hokm suren monopoliyaya son qoyar Cenab PREZIDENTIMIZ

Аsya 2019-04-17 16:11:26

Sadece bu veziyyete ne ad vereceyimi bilmirem. Ölkədə əməlli dərəbəylikdi ve hami da susur. Illərdi pulunu ve emeyini isine yatiran Qardaslarin zavodlari əllərinden sayili gunler icinde saxta keçirilən məhkəmələrlə alınır ve yene də eyni vəziyyət. Yuxari instansiyalar yenə de susur. Biz dərdimizi kimə deyək? Kim bu özbaşnalığa birdəfəlik son qoyacaq??? Buna bir SON verilməlidir artıq!!!

Zuzu 2019-04-17 16:11:26

Bizim bu dovletimiz nece illerdir goresen hara baxir ? Niye bele birini cezasiz qoyub ? Insallah tezlikle haqq-edalet oz yerini tapar

Haxverdi 2019-04-17 16:11:26

Cox inanıram ki haq ədalət öz yerini tutar və Zülfiqalı qardaşlarının səsi eşidilər.Mən prezidentimizə innanıram

Agabəy Kərimov 2019-04-17 16:11:26

Cenab prezident ve hormetli vitse prezident Mehriban xanim.Sizden cox artiq derecede xahis edirem bu olkenin qanunlarini pozmaga imkan vermeyin.Biz bilirik ki siz bele qanun pozulmasinin aleyhinesiniz ve buna esasen size uz tutub muraciet edirik. RASIMIN OZBASHINALIQLARININ SONU OLMALIDIR.

Süleyman 2019-04-17 16:11:26

Hörmətli saytın redaktoru Azneftkimyamaşın bir qrup əməkdaşı Sizdən xahiş edir ki,Zülfüqarov qardaşları haqqında dərc olunan bu səhifəni hər gün gündəmə salın ki,bizlərin səsini cənab prezident,möhtərəm vitse-pezident,yoldaş baş Prokuror,DİN və Korrupsiyaya qarşı mübarizə idarəsi və DTX rəhbərliyi oxusun və agah olsunlar.Təsəffürünüzə gətirin ki,bu qurumda və onun tabeliyində olan z-da və əmlakı satılıb kimlərinsə milyardlara sahib olub və sonda yerlə-yeksan edilən Sabayıl MQZ milyardlara bərabər yeyinti v

İlqar Məcidov 2019-04-17 16:11:26

Rasim Məmmədov kimiləri həmişə olub, olacaq da. Belələri, görüləcək yeni-yeni proyektlərə mane ola bilməz. Zülfüqarlı qardaşlarına gördükləri işlərdə uğurlar arzulayırıq.

Amon 2019-04-17 16:11:26

Bu zulfuqarli qardaslarini uzaqdan taniyan biri kimi deye bileremki heqiqeten bu qardaslar cox bacariqli insanlardi oz zehmetlerile qurmusdular zavodu.ne qeder insan calisirdi orda.onlari hansisa yuksek memurun elaltisi rasim memmedov bir gecenin icinde mehv elediler onlarda gedib turkiyede islerini qurdular.onlara yeniden burada is qurmaga icaze verseler eminemki 1000lerle insani yeniden isle temin edecekler

Mux 2019-04-17 16:11:26

Hörmətli Zülfüqarlı qardaşları mən sizləri gözəl anlayıram.Əsasını 1857-ci ildə qoyduğum Bibiheybət yolundakı Neft Avadanlıqların İstehsalı z-du(sabayıl Maşınqayırma z-d)İllərlə dövlətə,vətənimizə,xalqımıza xeyir verib.O z-du TOP da dağıda bilməzdi.Ancaq AZNEFTKİMYAMAŞIN və Sabayıl MQZ rəhbərliyi əlbir olub bahalı dəzgah və avadanlıqları uzun illər ərzində sataraq milyardlara sahib oldular.Və sonda z-du iflic vəziyyətinə salaraq yerl-yeksan etdilər.Kollektiv yazılı müraciət hazırlayib PA,Res Prokuroruna.

XX-1dən fazilə 2019-04-17 16:11:26

Bu Razim Məmmədov ya iri məmurun qohumu, ya da ki işçisidir!! O şirkətin arxasında ...

Mirələm 2019-04-17 16:11:26

Rasim Məmmədov özünü Ramiz Mehdiyevin oğlu Teymur Mehdiyevin dostu kimi təqdim edir

fazil 2019-04-17 16:11:26

Görəsən Bu rasim məmmədov kimdirki,ki dövlətmizdə ona bir söz demir.hər yerdə at oynadır.

Asiman 2019-04-17 16:11:26

Ele z-d ve fabrikleri iflic xususi memurlar var.Dovletin bundan helelik xeberi yoxdur.Kimlerse qesden neheng z-d ve fabrikleri daqitdirir.z-d Elektrostamp neheng z-d idi.Orda hardasa 8 sex,5 sahe fealiyet gosterirdi.Hetta Kondensioner zavodu ve diger z-dlara xammal istehsal edilirdi.z-da 2 novbeli is gedirdi.z-du ele veziyyete saldilar ki,200-den yuxari fehle qaldi issiz.Yeqin Pokuror orqanlarinda z-d ve f-klerin derinden arasdirilmasi sahesinde mutexesis yoxdur.

Son yazılar