Bu həftə Azərbaycanda dövlət muzdlu işçilərə ödənişə başlayır

Pandemiyadan zərər çəkmiş sahələrdə iş yerlərinin sayının azaldılmasının qarşısının alınması məqsədilə əmək müqaviləsi əsasında çalışan muzdlu işçilərin əməkhaqqının müəyyən hissəsinin ödənilməsi mexanizmi hazırlanıb və bu həftə ərzində ödəmələrin həyata keçirilməsinə başlanacaq.

"Report" bu barədə İqtisadiyyat Nazirliyinə istinadən xəbər verir.

"Bu tədbir pandemiyanın zərər vurduğu fəaliyyət sahələrində və klasterlərdə çalışan 300 min nəfər muzdlu işçinin (əmək müqaviləsi olan) əmək haqlarının müəyyən hissəsinin ödənilməsi üçün sahibkarlara dövlət tərəfindən 215 milyon manat maliyyə dəstəyinin göstərilməsini nəzərdə tutur. İşəgötürənlərin İnternet Vergi İdarəsində (www.e-taxes.gov.az) mövcud olan elektron kabinetləri vasitəsilə təqdim etdikləri müraciətlər əsasında mümkün qədər qısa müddət ərzində onların işçilərinə ödənilməli olan əməkhaqqının müəyyən hissəsi işəgötürənlərin bank hesablarına köçürüləcək və işəgötürənlər işçilərin əməkhaqqılarını ödəyə biləcəklər", - deyə məlumatda qeyd edilib.

635x100

Şərhlər

Qoca Molla 2020-04-06 21:13:13

Müəyən hissə dedikdə nə qədəri nəzərdə tuturlar? Həssas ailə qrupundan olan tələbələr dedikdə kimləri nəzərdə tuturlazr? Niyə Cənab Prezidentin göstərişi ilə hazırlanan Tədbirlər Planının detalılarını ətraflı açıqlamırlar?

Son yazılar