Ermənistan baş nazirinin münaqişənin həlli üzrə aparılan danışıqlar prosesi barədə bu cür fikirlər səsləndirməsi, ya onun son iki il ərzində hələ də bu prosesi öyrənə bilmədiyini, ya da bu kimi bəyanatları ilə danışıqlar prosesinə əngəl törətmək məqsədi güddüyünü göstərir. Doğrudur, danışıqlar prosesində yeni sənəd yoxdur, çünki yeni sənədə və təklifə heç ehtiyac da yoxdur. Belə ki, danışıqlar ATƏT-in Minsk Qrupunun 2019-cu ilin 9 mart tarixli bəyanatında da açıqlandığı kimi, danışıqlar masasında artıq mövcud olan sənəd üzrə aparılır.
"Report"un məlumatına görə, bunu Azərbaycan Xarici İşlər Nazirliyinin Mətbuat xidməti idarəsinin rəisi Leyla Abdullayeva Ermənistan baş naziri Nikol Paşinyanın onlayn mətbuat konfransı zamanı münaqişənin həlli üzrə “məxməri inqilabdan” sonra yeni sənədin irəli sürülmədiyini, köhnə təklifin isə məqbul olmadığı fikrinə münasibət bildirərkən deyib.
"Maraqlıdır, N.Paşinyan son iki il ərzində Ermənistan Xarici İşlər nazirinin aparılan danışıqlar prosesində nə işlə məşğul olduğu ilə heç maraqlanıbmı? Bəlkə də, bu ilin yanvar ayında Cenevrədə intensiv şəkildə aparılan danışıqlar da daxil olmaqla, həmsədrlər tərəfindən Azərbaycan və Ermənistan Xarici İşlər nazirlərinə təqdim olunan sənədləri Ermənistan Xarici İşlər nazirinin öz baş nazirinə təqdim etmədiyi istisna olunmamalıdır.
Əgər Ermənistanın hazırkı rəhbərliyinin məqsədi “danışıqlar”pərdəsi altında münaqişənin həllini uzatmaqdırsa, bu yanaşma həm Azərbaycan, həm də beynəlxalq ictimaiyyət tərəfindən qətiyyətlə rədd olunur.
Danışıqlar prosesini və beynəlxalq vasitəçilərin səylərini heçə endirmək istəyən işğalçı Ermənistan rəhbərliyinə xatırladırıq ki, ATƏT-in Minsk Qrupunun həmsədr ölkələrinin dövlət başçılarının səyləri də daxil olmaqla, bu ölkələrin vasitəçiliyi ilə uzun illər ərzində Azərbaycan və Ermənistan arasında aparılan danışıqların başlıca məqsədi BMT Təhlükəsizlik Şurasının məlum qətnamələrinə uyğun olaraq, işğalçı qüvvələrin Azərbaycanın işğal olunmuş bütün ərazilərindən çıxarılması, yüz minlərlə məcburi köçkünün insan hüquqlarının bərpa olunması və beləliklə də bölgədə davamlı sülhün və təhlükəsizliyin təmin olunmasıdır.
Ermənistan rəhbərliyi bu kimi bəyanatları ilə aydın şəkildə göstərir, hansı ölkə sülhün, hansı ölkə isə bölgədə gərginliyin artırılmasının tərəfdarıdır. Bir daha vurğulayırıq ki, bölgədə vəziyyətin gərginləşməsinin bütün məsuliyyəti tamamilə Ermənistanın üzərindədir" - deyə L.Abdullayeva bildirib.
Şərhlər
Dəyərli həmvətənlər, bu bəyanatdan bir şey anladınızmı? Diqqət etsəniz, bu „bəyanat“ rus dilində tərtib edilmiş tavtologiyanın Azərbaycan dilində təkrarıdır, Görəsən, özünü XİN-in siması sayan bu xanım başqa nəsə bacarırmı? Zatən Məmmədyarovun şinelindən çıxan kadrlardan bundan artığını gözləmək də sadəlövhlük olardı... Əslində bu bəyanat Azərbaycanın ictimaiyyəti üçün hesablanıb, xalqın gözünə kül sovurmaqdan başqa da heç nəyə yaramır. Buadra hansısa masa üzərində mövcud olan hansısa sənəddən dəm vurulur, Ermənistan tərəfi isə Laçın və Kəlbəsərlə yanşaı həm də Ağdamın verilməsini tələb edirlər. Üstəlik də danışıqlar hələ 2018-ci iln əvvəllərində dayandırılbmış.... Zatən, Xİn ciddi qurum olsaydı, Leyla kimi təsadüf birsi onun adından danışmaşzdı...
XİN-nin bu cür bəyanatları qurtarmaq bilmir. Bəs hanı sizin "diplomatiyanız" ..... nəhayət Xudafərin biabırçılığını etdiniz.....
XİN illərdir ki,boşuna münasibət bildirməklə kifayətlənir.Düçmən ölkəyə qarşı belə bildirmələrin sayı unudulub.Buna işləmək demək olarmı?Belə bəyanatlarheç zaman nəticə verməyib və boş,mənaslz kağız parçası olub.Aı bu plkənin taleinə heç nə vermir,əksinə hörmətsizləşirik.
Torpağı işğal olan ölkə sülhpərvər olmalı deyil. Sülhpərvərliyimizə görə 30 ildir işğal altındadır. Biz bu vəziyyətdə qan-qan deməliyik.