“Qafqazinfo” xəbər verir ki, məlumatlarda Mədəniyyət Nazirliyinin balansında olan mərkəzdə saxlanan cins atlara lazımi qədər vəsait ayrılaması səbəbindən yem tədarükünün kifayət etmədiyi iddia olunur.
Şəki sakini Taleh Mustafayevin yazdığına görə, əgər heyvanlar yemlə təmin olunmasalar, tezliklə mərkəzdə bəslənən cins atların nəsli kəsilə bilər: “Son dövrdə Mədəniyyət Nazirliyinin rəhbərliyi dəyişiləndən sonra mərkəzdəki cins atların vəziyyəti çox pisdir. Yem tədarükü vəsaitin az olması səbəbindən tam şəkildə görülmür. Bu da ona gətirib çıxarıb ki, hazırda atlar aclıqdan tələf olur. Nazirlik rəsmilərinin laqeydliyi ucbatından cins atlar itib-batır. Qısa bir zamanda tədbirlər görülməsə, mərkəzdə olan atlar tamamilə məhv olacaqlar”.
Problemlə bağlı Mədəniyyət Nazirliyindən bildirilib ki, müəssisə təsərrüfat hesablı olduğundan cari il üçün nazirlik tərəfindən ora vəsait ayrılmayıb: “Respublika Atçılıq Turizm və Atüstü Milli Oyunlar Mərkəzi (Şəki şəhəri) təsərrüfat hesablı müəssisədir və 2021-ci il üçün mərkəzin saxlanmasına dair maliyyə vəsaitinin ayrılması Mədəniyyət Nazirliyinin büdcəsində nəzərdə tutulmayıb. Eyni zamanda qeyd edək ki, bununla əlaqədar nazirlikdə müzakirələr aparılır və məsələnin müvafiq həll yolları axtarılır”.
Şərhlər
Sheki icra bashcisi milyarderdi ))) yiqib haram piullari,,,,,
Ay vicdansızlar.Allah sizin bəlanızı versin.
Sekide itler atlar ariqlayir memur tayfasi ise kokelir ve harinlayir. Seki bassiz atli kimi yiyesizdir. Bunlar merkli ve qerezli olaraq xeyanetkar qrupun uzvleri terefinden qesden edilir. Sekiye nezaret sifirdir.
Yaxşı insanları başa düşdük, bəs bu heyvanların günahı nədir?